Biełaruska, salistka Piermskaj opiery, vyjhrała prestyžny vakalny konkurs u Hałandyi 10

Nadzieja Kučar.

Salistka Piermskaha teatra opiery i baleta (Rasija), saprana ź Biełarusi Nadzieja Kučar vyjhrała 49-y Mižnarodny konkurs vakalistaŭ, jaki prachodziŭ z 21 pa 30 vieraśnia ŭ Hałandyi.

Kučar zavajavała Hran-pry, pryz hladackich simpatyj, a taksama pryz imia Jeranima Boscha.

Za pieramohu ŭ hetych naminacyjach Kučar atrymaje 12,5 tysiačy jeŭra. Ahulny pryzavy fond konkursu, jaki pravodzicca z 1954-ha raz u dva hady, składaje 45 tysiač jeŭra.

Usiaho ŭ konkursie, jaki ličycca dla vakalistaŭ adnym z samych prestyžnych u śviecie, pryniali ŭdzieł kala 240 vykanaŭcaŭ z 40 krain, siarod jakich byli pradstaŭniki Kitaja, Japonii, Rasii, Hałandyi i Ukrainy.

Adboračnyja tury prachodzili ŭ Amsterdamie i Ryzie, a sam konkurs — u hałandskim Chiertahienbasie. Dla ŭdziełu ŭ čverćfinałach byli adabranyja 32 śpievaki.

Zhodna z praviłami konkursu, vakalisty pavinny byli vykanać 9 opiernych aryj, šeść piesień i niekalki novych tvoraŭ, adzin ź jakich pavinien być napisany sučasnym hałandskim kampazitaram. Akramia taho, udzielniki spabornictvaŭ pavinny śpiavać jak minimum na troch movach.

Nadzieja Kučar naradziłasia ŭ 1983 hodzie ŭ Minsku. Jana skončyła Minskaje muzyčnaje vučylišča imia Hlinki, vučyłasia ŭ Sankt-Pieciarburhskaj kansiervatoryi imia Rymskaha-Korsakava. U 2007 hodzie ŭ teatry kansiervatoryi debiutavała ŭ roli Marfy ŭ opiery Rymskaha-Korsakava «Carskaja niaviesta». U 2009 hodzie Kučar vystupiła ŭpieršyniu na scenie Michajłaŭskaha teatra — jana vykanała partyju Vijalety ŭ opiery Vierdzi «Travijata».

Najbolšy pośpiech śpiavačcy pryniesła partyja Miedei ŭ opiery Paskala Diusapiena Medeamaterial, jakaja była pradstaŭlena na «Dziahileŭskim fiestyvali-2012».

lenta.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH