Mnohija sučasnyja hieapalityčnyja prablemy vyklikanyja tym, što «niekatoryja krainy nie bačać ni miežaŭ svaim źniešniepalityčnym ambicyjam, ni inšych form dziaržaŭnaha žyćcia, aprača svajoj ułasnaj».Pra heta zajaviŭ ministr zamiežnych spraŭ Biełarusi Uładzimir Makiej, vystupajučy 1 kastryčnika ŭ ahulnaj dyskusii na
Makiej zaznačyŭ, što «dziaržavy, jakija admaŭlajucca žyć pa naviazanym zvonku šabłonie i adstojvajuć svoj realny suvierenitet, sapraŭdnyja nacyjanalnyja intaresy, vymušanyja doraha raspłačvacca za heta prava».U jakaści prykładu ministr pryvioŭ Kubu, dzie «histaryčny vybar, zrobleny jaje narodam bolš jak piać dziasiatkaŭ hadoŭ tamu na karyść samastojnaha šlachu, abiarnuŭsia nieprymańniem i ekanamičnaj błakadaj z boku tych, jakija dahetul miarkujuć, što mohuć pisać historyju XXI st. hetak ža, jak jany heta rabili ŭ minułyja stahodździ». «I hety prykład nie adzinkavy», — dadaŭ jon.
«Ćviorda ŭreŭnieny, što ŭsie sproby prymusić inšych rabić niešta nie pa ich ułasnaj voli asudžanyja na pravał. Niaŭžo ž my nie možam zasvoić nijakich urokaŭ ź minułaha? Nie zbroja ž i nie bahaćci źjaŭlajucca samaj vialikaj ruchajučaj siłaj na płaniecie. Heta siła zychodzić ad duchu samavyznačeńnia. Kali narod vybraŭ svoj šlach raźvićcia — mirnaha i prahresiŭnaha, nijakaja źniešniaja siła jaho ŭ hetym nie spynić. Suprać takoha naroda možna vyjhrać bitvy, ale nie vojny», — zajaviŭ kiraŭnik MZS Biełarusi.
Pry hetym jon padkreśliŭ, što «čas impieryjalizmu, u jakija b pryhožyja łozunhi jaho ni adziavali — „demakratyja“, „pravy čałavieka“, „dobraje kiravańnie“, niezvarotna syšoŭ».
My majem siońnia i vialiki ciažar hłabalnych ekanamičnych prablem, miarkuje Makiej, i ŭsie jany ŭ asnoŭnym źjaŭlajucca vynikam palityki hetak zvanaha rynačnaha fundamientalizmu, jakaja pravodzicca jaho apałahietami na praciahu apošnich čatyroch dziesiacihodździaŭ.
Taksama Makiej zajaviŭ, što «dvajnyja standarty ŭ źniešniaj palitycy «ŭładnych ludziej» stali normaj.
Biełaruski ministr ličyć, što dla vyrašeńnia «šmatlikich prablem» sučasnaści nieabchodna viarnucca da zakładzienych u 1945 hodzie ŭ
Makiej zaznačyŭ, što AAN źjaŭlajecca naturalnaj placoŭkaj dla realizacyi ŭsich vykazanych idej, a taksama zaklikaŭ Hienasambleju da realizacyi pryncypaŭ suśvietnaha raźvićcia, zakładzienych u
«Biełaruś nie pretenduje na vyčarpalnyja adkazy. My chacieli b akcentvać uvahu tolki na čatyroch najbolš pryncypovych, z našaha punktu hledžańnia, śfierach: zakonnaść, palityka, ekanomika i navakolnaje asiarodździe», — skazaŭ kiraŭnik MZS Biełarusi.
