 |
«Zatrymańnie i kryminalny pieraśled piaci aktyvistaŭ «Maładoha frontu» absalutna niedapuščalnyja», — zajaviŭ staršynia Parlamenckaj asamblei Rady Eŭropy (PARE) Renie van der Linden 17 krasavika na pres‑kanferencyi ŭ Strasburhu, ‑‑ paviedamlaje BiełaPAN.
Nahadajem, što ŭ dačynieńni da piaci moładzievych aktyvistaŭ — Barysa Hareckaha,Dźmitryja Fiedaruka, Aleha Korbana, Anastasii Pałažanki i Alaksieja Janušeŭskaha — zaviedziena kryminalnaja sprava. Jany abvinavačvajucca ŭ dziejnaści ad imia niezarehistravanaj arhanizacyi (artykuł 193‑1 Kryminalnaha kodeksa). Maładym ludziam pahražaje pakarańnie ŭ vyhladzie pazbaŭleńnia voli na termin da dvuch hadoŭ.
«Ja ščyra spadziajusia, što biełaruski ŭrad spynić adpraŭlać u turmy tych, chto ŭsiaho tolki svabodna vykazvaje svajo mierkavańnie i ŭdzielničaje ŭ demanstracyjach. Heta stała by dobrym syhnałam ab hatoŭnaści da supracoŭnictva», — skazaŭ kiraŭnik PARE.
Jašče adnym znakam imknieńnia «zblizicca z eŭrapiejskimi strukturami i stać siabram Rady Eŭropy», adznačyŭ Renie van der Linden, mahła b stać zhoda aficyjnaha Miensku pryciahnuć mižnarodnych ekspertaŭ dla pytańnia ab palityčnych źniavolenych u Biełarusi. Staršynia PASIE padkreśliŭ: kali biełaruskija ŭłady prademanstrujuć svaju hatoŭnaść da supracoŭnictva i dyjalohu, jon nie vyklučaje mahčymaści svajoj sustrečy z vyšejšym kiraŭnictvam krainy.
Fota Julii Daraškievič
