Dakład Kanhresa: Huawei i ZTE — pahroza biaśpiecy ZŠA

Pra heta havorycca ŭ apublikavanym pa vynikach rasśledavańnia dziejnaści dźviuch kampanij dakładzie Kanhresa, na jaki spasyłajecca «Bi-bi-si».

Aŭtary dakładu rekamiendujuć adchilić hetyja kampanii ad jakich-niebudź źlićciaŭ i pahłynańniaŭ u ZŠA. Na ich dumku, Huawei i ZTE nie ŭdałosia raźviejać aściarohi z nahody ich suviaziaŭ z kitajskim uradam i vajskoŭcami.

«Kitaj maje srodki, mahčymaści i matyvy vykarystoŭvać telekamunikacyjnyja kampanii ŭ złamysnych metach», — havorycca ŭ dakładzie.

«Pavodle najaŭnaj sakretnaj i niesakretnaj infarmacyi, nielha być upeŭnienym u tym, što Huawei i ZTE svabodnyja ad upłyvu dziaržavy (Kitaja), i tym samym jany stvarajuć pahrozu dla biaśpieki Złučanych Štataŭ», — miarkujuć aŭtary dakumienta.

I Huawei, i ZTE raniej adchilili abvinavačańni.

Huawei była zasnavanaja byłym siabram Narodna-vyzvalenčaj armii Kitaja Ren Ženhfiejem u 1987 hodzie. Kali firma pieratvaryłasia ŭ adnaho z najbujniejšych suśvietnych hulcoŭ u siektary vytvorčaści sietkavaha abstalavańnia, pačali ŭspłyvać čutki pra jaje suviazi z kitajskimi vajskoŭcami. Śćviardžałasia, što jana dapamahaje Kitaju ŭ zbory infarmacyi zamiežnych dziaržavaŭ i kampanij.

U minułym hodzie rehulatar ZŠA admoviŭ Huawei u kupli amierykanskaj kampjutarnaj kampanii 3Leaf systems. Sioleta kampanija, jak i ZTE, sutyknułasia sa śćvierdžańniami, što ŭ častku jaje abstalavańnia ŭbudavanyja kody dla pieradačy ŭ Kitaj kanfidencyjnaj infarmacyi. Kiraŭniki abiedźviuch kampanij adchilili abvinavačańni.

0

0

0

0

0

0

BBC

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH