Spažyvieckija ceny ŭ vieraśni ŭzraśli na 1,3%, z pačatku hoda — na 16,1%

Pra heta paviedamiŭ Nacyjanalny statystyčny kamitet.

Charčovyja tavary padaraželi za miesiac na 1,3%, za studzień-vierasień — na 18,1%, niecharčovyja — adpaviedna na 0,6 i 8,4%, taryfy na płatnyja pasłuhi nasielnictvu — na 2,7 i 26,1%.

Siarod charčovych tavaraŭ u najbolšaj stupieni padaraželi ałkaholnyja napoi — na 49,7%, chleb i chlebabułačnyja vyraby — na 30,1%,

bulba — na 25,1%, tytuniovyja vyraby (u statystycy ŭličvajucca jak charčovy tavar) — na 20,5%, pšaničnaja muka — na 20,3%, śmietankovaje masła — na 19,2%.

Lidary padaražańnia siarod niecharčovych tavaraŭ: piśmovyja pryłady — na 23,4%, bienzin — na 17,2%, viełasipiedy i matacykły — na 13,8%, hadzińniki — na 11,2%, posud — na 9,7%, tkaniny — na 9,4%.

Siarod płatnych pasłuh rost cen u najbolšaj stupieni zakranuŭ sanatorna-azdaraŭlenčyja pasłuhi — na 74,7%, pasłuhi vyšejšaj adukacyi — na 68,3%,

pasłuhi vodazabieśpiačeńnia — na 48,8%, taryf na techabsłuhoŭvańnie žyłych pamiaškańniaŭ — na 42,9%.

Pa vynikach hoda ŭrad raźličvaje ŭtrymać inflacyju ŭ miežach 19–22%. U 2011 hodzie spažyvieckija ceny pavialičylisia na 108,7%.

Dźmitryj Ułasaŭ, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH