Kličko pryvabny dla tych, što rasčaravalisia i ŭ Janukoviču, i ŭ apazicyi.
U Viarchoŭnuju Radu pavinny prajści 5 partyj, u tym ŭpieršyniu ad 1998 hoda — nacyjanalisty asobnaj farkcyjaj.
Apazicyja baicca za los vybaraŭ u mažarytarnych akruhach.
Praz dva tydni, 28 kastryčnika, va Ukrainie adbuducca parłamienckija vybary. Vybary ŭ susiedziaŭ, nahadajem, adbyvajucca pavodle źmiašanaj sistemy: pałovu deputataŭ abirajuć pa akruhach (jak u Biełarusi), druhuju pałovu — pa śpisach partyjaŭ, jakija atrymali bolš za 5% hałasoŭ.
Apošnija rejtynhi fiksujuć, što pa śpisach u Viarchoŭnuju Radu traplajuć piać partyjaŭ.
Tak, pavodle vynikaŭ apytańnia Kijeŭskaha mižnarodnaha instytuta sacyjałohii i fondu «Demakratyčnyja inicyjatyvy», uładnaja Partyja rehijonaŭ maje amal 31% padtrymki i jość lidaram elektaralnych simpatyjaŭ. A voś
siarod vybarcaŭ apazicyi za čas kampanii adbylisia surjoznyja źmieny.Hałoŭnaja apazicyjnaja siła, Usieŭkrainskaje abjadnańnie «Baćkaŭščyna», stračvaje padtrymku.
U asnoŭnym niavyznačany elektarat pierajšoŭ da partyi «Udar» baksiora Vitala Kličko, jakoha sacyjołahai staviać na druhim miescy z 21,5%. Traplaje ŭ Viarchoŭnuju Radu i nacyjanalistyčnaja partyja «Svaboda», jakaja maje 6,7%.
Amal straciła šancy na prachodžańnie ŭ Radu Natalla Karaleŭskaja i jaje partyja «Ukraina — napierad!». Maštabnaja rekłamnaja kampanija mieła tolki advarotny efiekt; za miesiac partyja straciła amal pałovu prychilnikaŭ.
I choć šmat vybarcaŭ poŭdnia dy ŭschodu, jakija raniej padtrymlivali Partyju rehijonaŭ, nie zadavolenyja ŭładaj, mała chto ź ich źbirajecca hałasavać za apazicyjnyja siły kštałtu «Udaru», «Baćkaŭščyny» ci «Svabody»: balšynia albo nie pojdzie na vybary, albo budzie hałasavać za kamunistaŭ, jakija majuć rekordnyja 13,3%.Kamunisty praviali vielmi piśmiennuju i darahuju rekłamnuju kampaniju, aryjentavanuju na nastalhiju nasielnictva pa savieckaj rečaisnaści, jakaja dla častki vybarščykaŭ, vidavočna, bolš pryvabnaja, čym «dziki kapitalizm» Partyi rehijonaŭ. Faktyčna, kamunisty viaduć ahitacyju jak apazicyjnaja partyja, choć uvachodziać va ŭładnuju kaalicyju, padtrymlivajuć usie najvažniejšyja dla ŭłady rašeńni.
Taksama biez šancaŭ na miesca ŭ Radzie pa śpisie i «Naša Ukraina» kolišniaha prezidenta Viktara Juščanki. Faktyčna, «Naša Ukraina» na hetych vybarach jość techničnym prajektam, jaki padtrymlivajecca ŭładaj z metaj adarvać niekalki adsotkaŭ apazicyjnych hałasoŭ.
Vybary ŭ akruhach
Pa śpisach apazicyjnyja partyi («Udar», «Baćkaŭščyna» i «Svaboda») atrymlivajuć bolš, čym ułada: razam apazicyjnyja siły, jakija prachodziać piaciadsotkavy barjer, majuć 48% suprać 44% u Partyi rehijonaŭ dy kamunistaŭ. Ale pa akruhach situacyja dla apazicyi našmat horšaja.Pryčynaŭ tamu šmat.
Na starcie «Baćkaŭščynie» i «Svabodzie» ŭdałosia damovicca pra ŭzhadnieńnie kandydataŭ.Tak, z 225 akruhaŭ pa 35 iduć kandydaty ad «Svabody», pa astatnich — ad «Baćkaŭščyny». Ale rost «Udaru», jaki vystaviŭ svaich kandydataŭ pa ŭsich akruhach, faktyčna źniščaje sens idei adzinaha kandydata, bo razam «Baćkaŭščyna» i «Svaboda» majuć nie našmat bolš (26,5%), čym «Udar» Kličko (21,5%).
Ciapier «Baćkaŭščyna» i «Udar» sprabujuć damovicca pamiž saboj, kab źniać kandydatury na karyść bolš rejtynhavaha kandydata, ale technična heta vielmi składana realizavać, zaminajuć ambicyi z abodvuch bakoŭ.
Aprača taho, bolšaść viadomych apazicyjnych palitykaŭ nie zachacieła ryzykavać i vyrašyła pajści pa śpisach partyjaŭ, a nie pa akruhach. Varta skazać, što zakon nie dazvalaje bałatavacca adnačasova pa śpisie i pa akruzie, tamu kožny musiŭ vybrać.
U toj ža čas ułady vykarystali prablemy ŭ apazicyjnym łahiery na svaju karyść.
Tam, dzie padtrymka Partyi rehijonaŭ u hramadstvie nizkaja, faktyčnymi kandydatami ad ułady stali «samavyłučency», jakija aktyŭna razdajuć praduktovyja nabory, hrošy, pravodziać sacyjalnyja mierapryjemstvy. Tak, z 13 akruhaŭ u Kijevie tolki ŭ dźviuch faktyčnymi kandydaty ad ułady jość pradstaŭniki Partyi rehijonaŭ — zbolšaha ŭłada stavić na «niezaležnych».
Usio heta daje padstavy ličyć, što
apazicyja chutčej za ŭsio ŭ vyniku prajhraje mažarytarnuju častku vybaraŭ.Z 225 akruhaŭ jana realna moža raźličvać maksimum na 70–80. Ź ich 10–15 atrymaje «Svaboda», astatnija amal paroŭnu padzielać «Udar» i «Baćkaŭščyna».
Faktyčna, baraćba idzie za toje, ci budzie ŭ Partyi rehijonaŭ i ŭ kamunistaŭ kanstytucyjnaja bolšaść — 300 mandataŭ.
Kanstytucyjnaja bolšaść adkryvaje dla ŭładaŭ mahčymaść pravieści źmieny ŭ Kanstytucyju, źniščyć usienarodnyja vybary prezidenta i pieranieści ich u parłamient.
Ź inšaha boku, kali ŭłada hetaha zrabić
Kožnyja vybary va Ukrainie — heta cyvilizacyjny vybar: pamiž Uschodam i Zachadam, Jeŭropaj i Jeŭrazijaj, movaj i jazykom.
Jak skončycca čarhovy etap hetaha dvuboju, stanie viadoma nieŭzabavie.
Dla daviedki: na apošnich vybarach 2007 hoda Partyja rehijonaŭ mieła 34,37%, «Baćkaŭščyna» — 30,71%, 14,15% było ŭ «Našaj Ukrainy — Narodnaj Samaabarony», 5,39% — u kamunistaŭ, 3,96% — u Błoka Litvina. Sacyjalisty atrymali 2,86%, prahresiŭnyja sacyjalisty — 1,32%, «Svaboda» — 0,76%. Astatnija mieli mienš za 0,5% hałasoŭ.
