Z zakryćciom pasolstva Biełarusi ŭ Šviecyi biełaruskim dyppradstaŭnictvam u sumiežnych krainach daručana akazvać usialakaje sadziejańniebiełaruska-šviedskim kantaktam. Pra heta paviedamiŭpres-sakratar MZS Biełarusi Andrej Savinych 11 kastryčnika, adkazvajučy na pytańnie ab tym, jak ažyćciaŭlajecca ŭzajemadziejańnie krain pa konsulskich pytańniach.
Pasolstva Šviecyi ŭ Minsku 30 žniŭnia poŭnaściu spyniła pracu. Šviedskija dypłamaty pakinuli Biełaruś, jak taho zapatrabavali biełaruskija ŭłady. Anałahičnyja dziejańni byli ažyćcioŭlenyja i biełaruskim bokam. Ukaz ab vyzvaleńni ad pasady pasła Biełarusi ŭ Šviecyi Andreja Hrynkieviča byŭ padpisany Alaksandram Łukašenkam 23 žniŭnia.
«Hramadzianie Šviecyi mohuć źviartacca ŭ lubyja konsulskija ŭstanovy Biełarusi ŭ sumiežnych krainach, — paviedamiŭ Savinych. — Dla ich taksama adkryta mahčymaść atrymańnia viz niepasredna ŭ aeraporcie, jak dla hramadzian krain, dzie adsutničajuć biełaruskija dypłamatyčnyja ŭstanovy».
Pavodle jaho słoŭ, «padrabiaznaja infarmacyja pra konsulskaje absłuhoŭvańnie šviedskich hramadzian raźmieščana na sajcie biełaruskaha pasolstva ŭ Šviecyi, jaki praciahvaje funkcyjanavać».
«My viedajem, što vialikaja kolkaść kantaktaŭ realizujecca pa linii roznych hramadskich arhanizacyj, pradpryjemstvaŭ. Našym pasolstvam u sumiežnych krainach daručana akazvać hetym kantaktam usialakaje sadziejańnie. Ale mnohija kantakty ciapier realizujucca pa pramych suviaziach», — paviedamiŭ
8 žniŭnia MZS Biełarusi abviaściŭ pra adklikańnie ŭsich supracoŭnikaŭ biełaruskaha pasolstva ŭ Stakholmie i rekamiendavaŭ šviedskamu boku da 30 žniŭnia adklikać usich svaich dypłamataŭ ź Minska.
