Zbornaja Biełarusi (hałoŭny trenier — Hieorhij Kandraćjeŭ) atrymała pieršuju pieramohu ŭ adboračnym turniry da čempijanatu śvietu pa futbole — 2014, vyjhraŭšy ŭ Minsku ŭ zbornaj Hruzii ź likam 2:0 (Bresan, 6, Drahun, 28).
Nahadajem, što 7 vieraśnia ŭ Tbilisi haspadary pieramahli ź likam 1:0. Zatym biełarusy paciarpieli jašče dźvie parazy: ad Francyi ŭ Paryžy (11 vieraśnia, 1:3) i Ispanii ŭ Minsku (12 kastryčnika, 0:4)
Siońnia ŭ Madrydzie ŭ našaj hrupie Ispanija i Francyja zhulali ŭničyju 1:1.
Stanovišča kamandaŭ: Ispanija, Francyja — 7 bałaŭ (paśla 3 hulniaŭ), Hruzija — 4 (4), Biełaruś — 3 (4), Finlandyja — 1(2).
Nastupnyja dva matčy Biełaruś praviadzie sa zbornaj Finlandyi. 7 červienia 2013 hoda kamandy zhulajuć u haściach, 11 červienia — u Biełarusi. 10 vieraśnia Biełaruś prymaje na svaim poli Francyju, a 11 kastryčnika zhulaje ŭ haściach ź Ispanijaj.
Jak viadoma, u śniežni hetaha hoda maje začynicca na rekanstrukcyju stadyjon «Dynama», tamu jašče pytańnie, dzie budzie pravodzić chatnija matčy naša zbornaja.
