Dva nieviadomyja ŭ cyvilnym 18 kastryčnika ŭ 6.20 ranicy sprabavali trapić u kvateru, dzie žyvuć maci i ajčym zabitaj žurnalistki Vieraniki Čarkasavaj, paviedamiłapres-słužba Biełaruskaj asacyjacyi žurnalistaŭ.
Jak paviedamiŭ ajčym Čarkasavaj Uładzimir Mialeška, nieviadomyja spačatku nastojliva zvanili, a potym stukali i ciahnuli ručku dźviarej kvatery. Tak praciahvałasia kala hadziny.
«Adčyniać dźviery abo razmaŭlać ź viziciorami svajaki Vieraniki nie advažylisia. Ale jany miarkujuć, što heta źviazana z nabližeńniem hadaviny zabojstva», — havorycca ŭ paviedamleńni.
«Kali b takich vypadkaŭ nie było raniej, možna było b havaryć ab niejkim źbiehu abstavinaŭ. Ale my dobra znajomyja ź vizitami milicyi i paśla 23 hadzin, i na dośvitku… My dvoje starych, chvorych ludziej. Ja nie razumieju, jaki sens na nas cisnuć i zapužvać?» — skazała maci žurnalistki Dzijana Čarkasava. Apošni vizit supracoŭnikaŭ milicyi adbyŭsia u kastryčniku 2008 hoda, taksama napiaredadni hadaviny zabojstva. Tady ŭ kvatery z sankcyi prakurora Pieršamajskaha rajona byŭ praviedzieny vobysk. Supracoŭniki RUUS šukali «zbroju, narkotyki, vykradzienyja rečy», ale ŭ vyniku ničoha nie zabrali.
17 kastryčnika BAŽ źviarnułasia pa infarmacyju pa spravie Čarkasavaj u Śledčy kamitet, u kampietencyju jakoha z pačatku 2012 hoda pierajšli takija spravy. U adździele pa rasśledavańni złačynstvaŭ suprać asoby i hramadskaj biaśpieki ŭpraŭleńnia SK pa horadzie Minsku paviedamili, što adreahujuć tolki na piśmovy zapyt. Arhanizacyja taki zapyt nakiravała.
Žurnalistka niedziaržaŭnaj haziety «Salidarnaść» Vieranika Čarkasava była zabita 20 kastryčnika 2004 hoda ŭ svajoj kvatery ŭ Minsku. Jaje cieła sa šmatlikimi nažavymi ranieńniami znajšli
BiełaPAN.
