Aleh Navicki staić sprava.
Z kasmadroma Bajkanur da Mižnarodnaj kaśmičnaj stancyi 23 kastryčnika adpraviŭsia karabiel «Sajuz TMA-06 M» pad kiraŭnictvam uradženca Biełarusi Aleha Navickaha.
Pusk rakiety kaśmičnaha pryznačeńnia «Sajuz-FH» z transpartnym piłatavanym karablom «Sajuz TMA-06 M» i ekipažam ŭ składzie kamandzira Aleha Navickaha, bortinžynier Jaŭhiena Tarełkina i Kievina Forda (astranaŭt NASA) prajšoŭ paśpiachova.
Aleh Navicki naradziŭsia 12 kastryčnika 1971 hoda ŭ Červieni (Minskaja vobłaść). U 1994 hodzie skončyŭ Kačynskaje avijacyjnaje vučylišča, u 2006 hodzie — Vajenna-pavietranuju akademiju imia Haharyna. Ź listapada 1995 hoda pa vierasień 2004 hoda słužyŭ na pasadzie lotčyka, staršaha lotčyka, kamandzira źviana, namieśnika kamandzira avijacyjnaj eskadrylli šturmavoha avijacyjnaha pałka (ŠAP) 4-j pavietranaj armii (PA) i 4-j armii VPS i SPA (Paŭnočna-Kaŭkazskaja vajennaja akruha, štab u Rastovie-na-Donie). Asvoiŭ samaloty Ł-39, Su-25, ahulny nalot — 680 hadzin. Braŭ udzieł u kontrterarystyčnaj apieracyi ŭ Čačni. Paśla zakančeńnia akademii ŭ 2006 hodzie słužyŭ kamandziram avijacyjnaj eskadrylli ŠAP 4-j armii VPS i SPA. U atrad kasmanaŭtaŭ uklučany 7 lutaha 2007 hoda (14-y nabor).
U časy SSSR u kosmasie pabyvali 2 vychadcy ź Biełarusi
— Piotr Klimuk (ździejśniŭ try paloty: u 1973, 1975 i 1978 hadach) i Uładzimir Kavalonak (taksama try paloty: u 1977, 1978 i 1981 hadach). Abodva jany dvojčy Hieroi Savieckaha Sajuza,
hienierał-pałkoŭniki avijacyi ŭ adstaŭcy. Plus dačkoj vychadcaŭ ź Biełarusi była pieršaja žančyna-kasmanaŭtka Valancina Cieraškova.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
