Bond znoŭ pje i pa-spažyviecku stavicca da žančyn + trejler 5

«Kałambija Pikčerz» pradstaŭlaje novuju historyju pra Džejmsa Bonda.

Prezientacyja filma «007: Kaardynaty «Skajfał» i jaho zakryty pakaz prajšli 23 kastryčnika na radzimie raźviedčyka, u Vialikabrytanii. Nasupierak žadańniu arhanizataraŭ sabrać na łondanskaj premjery ŭsich raniejšych «Bondaŭ», nichto z aktoraŭ (siarod jakich Pirs Brosnan i Šon Koniery) nie pryjechaŭ.

U filmie apaviadajecca pra pieršyja hady słužby ahienta Džejmsa ŭ brytanskaj vyviedcy MI6.

U minułym kiraŭnicy vyviedki, jakaja chavaje svajo imia pad kryptonimam M., jość štości, što pahražaje źniščeńniem usioj «kantory». Hetuju pahrozu Bond i musić likvidavać.

Režysior Sem Miendes zdymaŭ 23-i epizod «bandyjany» ŭ Łondanie (u tym liku la budynka MI6), Šanchai i Stambule.

Film nasyčany drajvam: stralba, bieh pa dachach tavarnych vahonaŭ, pahoni, pieraśled.

Kino kaštavała vytvorcam bolš za 200 miljonaŭ dalaraŭ.

U aryhinale film nazyvajecca prosta Skyfall — jak familny majontak Bondaŭ.

Hałoŭnuju rolu ŭ bajeviku syhraŭ Denieł Krejh, jaki raniej uvasobiŭ u filmie «Vyklik» Tuviju Bielskaha, biełaruska-habrejskaha partyzana z Nalibockaj puščy.

Artyst spadziajecca, što novy film pra Bonda budzie «zvyčajnym». Bo papiaredniuju sieryju «bandyjany», «Kvant miłasernaści» (2008), fanaty pryniali chałodna. U joj Bonda sprabavali ačałaviečyć: jon pierastaŭ pa-spažyviecku stavicca da žančyn, hłušyć kaktejl harełka + marcini i kazać dzie treba dzie nie treba «Bond. Džejms Bond».

Novaje kino, jak vy zdahadalisia, nie dla siamiejnych prahladaŭ: jość abmiežavańnie dzieciam da 16-ci.

SM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH