Novaje pasłańnie Alaksandru Łukašenku praz YouTube pieradali hramadzianie, što ŭviazalisia ŭ budaŭnictva doma № 3, jaki ŭzvodzicca pamiž vulicaj Siamaški i mikrarajonam Brylevičy ŭ Minsku. Zvarot začytvaje hołas za kadram. Jon ža ź pieršych siekund tłumačyć: «Dolščyki nastolki zapałochanyja anarchijaj zabudoŭščyka, što dobraachvotnikaŭ, jakija chacieli b začytać zvarot na kamieru, nie znajšłosia».
Budaŭnictva
«Padčas zaklučeńnia damovaŭ dolščyki zrabili svoj vybar, što hruntavaŭsia na daviery dziaržaŭnym arhanizacyjam i ŭpeŭnienaści ŭ tym, što ich dziejańni buduć adpaviadać zakanadaŭstvu i ŭ tym liku ukazu № 396 prezidenta, — havorycca ŭ videazvarocie. — Ale praktyka pakazała, što my mocna pamylalisia. Takoj anarchii my nie čakali navat ad kamiercyjnych zabudoŭščykaŭ».
Pałovu kvater u domie budujuć hramadzianie, jakija majuć patrebu ŭ palapšeńni žyllovych umovaŭ. Dla ich u lipieni
«Hetaja cana raźličanaja z ulikam faktyčnych vydatkaŭ, što supiarečyć našaj damovie ad lipienia 2011 hoda, składzienaj u adpaviednaści z ukazam № 396, — kažuć ludzi. — Što samaje cikavaje, dyrektar UKB, spadar Kaściučenka, nie admaŭlaje, što cana supiarečyć ŭkazu № 396, tłumačačy heta prosta: „Vybačajcie, tak atrymałasia, ale tańniej my pabudavać nie možam“».
Dolščyki śćviardžajuć, što ŭ lipieni 2011 hoda ŭsie ŭnieśli pieradapłatu ŭ pamiery 20%, adnak 8 miesiacaŭ budaŭnictva praktyčna nie ruchałasia ź miesca:
«Dzie ŭvieś hety čas byli našy hrošy? Dom nie budavaŭsia, UKB biaździejničaŭ, cana materyjałaŭ rasła. Sa svajho boku my, dolščyki, vykanali svaje abaviazańni, apłaciŭšy ŭvieś košt kvatery ŭ termin».
Ludzi paviedamlajuć, što źviartalisia va ŭsie kampietentnyja instancyi, až da Administracyi prezidenta, ale tołku mała, a zabudoŭščyk adčuvaje siabie biespakarana.
«UKB viadzie płanamiernaje ckavańnie i zapałochvańnie dolščykaŭ, šantažujučy ich tym, što skasuje damovu.Pry hetym uniesienyja dolščykami srodki viernuć biez usialakaj indeksacyi, to bok abiascenienymi, — havorycca ŭ zvarocie. — Paradoks situacyi ŭ tym, što bolšaść instancyj paćviardžajuć zakonnaść našych patrabavańniaŭ, adnak na dolščykach heta nijak nie adbivajecca».
«My hatovyja apłacić našy kvatery pa canie, sfarmavanaj u adpaviednaści z zakanadaŭstvam, z pryčyny rostu indeksa BMR u narmatyŭny pieryjad budaŭnictva. Ale my nie źbirajemsia apłačvać pa faktyčnych zatratach, vyklikanych biaździejnaściu i biezhaspadarlivaściu zabudoŭščyka», — stajać na svaim dolščyki.
«Pavažany spadar prezident, — padvodziać rysu pad skazanym aŭtary zvarotu. — My vielmi raźličvajem, što dziakujučy vašamu ŭmiašańniu vusnyja i piśmovyja abiacańni roznych instancyj navieści paradak narešcie ŭvasobiacca ŭ žyćcio».
