— padkreślivaje doktar Hierd Charms, kansultant praŭleńnia firmy Enertrag, jakaja ŭžo inviestavała ŭ hety prajekt 300 tysiač jeŭra.
Niamieckaja kampanija Enertrag za košt ułasnych srodkaŭ źbirałasia pabudavać u Dziaržynskim rajonie pramysłovy vietrapark mahutnaściu da 160 MVt. Košt prajekta składaŭ kala 360 młn jeŭra, paviedamlaje partał «Zaŭtra tvajoj krainy».
— Vymušany kanstatavać, što hety vopyt, na žal, rasčaravaŭ nas, — pryznajecca Hierd Charms.
Inviestycyjnuju damovu ab budaŭnictvie vietraparku Minski abłvykankam i niamieckaja kampanija Enertrag padpisali ŭ lipieni 2010 hoda. Čakałasia, što prajekt budzie realizavany ŭ 2012 hodzie.
— My stvaryli biuro ŭ Minsku, jakoje vyrablała roznaha kštałtu zamiery. Pryciahnuli Akademiju navuk, jakaja musiła dać zaklučeńnie pa navakolnym asiarodździ. Praviali ŭsie płanirovačnyja raboty. Vyvučyli navat pavodziny kažanoŭ, — pieraličvaje Hierd Charms. — Ni mnoha ni mała — 300 tysiač jeŭra my ŭžo inviestavali ŭ hety prajekt!
Realizacyja prajekta prypyniłasia, kali sprava dajšła da ŭzhadnieńnia ŭ Minabarony, dzie zajavili, što «vietraki» vyšynioj kala 200 mietraŭ mohuć parušyć pracu radaraŭ, jakija raźmiaščajucca niedaloka ad Dziaržynska, a heta źnižaje efiektyŭnaść pracy sistem SPA i moža niehatyŭna adbicca na abaranazdolnaści krainy.
—
My sami zaŭvažyli vajskovuju radarnuju ŭstanoŭku i źviarnuli ŭvahu biełaruskaha boku, što mohuć uźniknuć prablemy, bo vietraki i radary nie vielmi «siabrujuć» adzin z adnym,— kansultanta praŭleńnia Enertrag ździŭlaje, što biełaruskija partniory vypuścili
Hod vialisia dalejšyja pieramovy. U kancy žniŭnia 2012 načalnik adździeła enierhietyki i paliva Minabłvykankama Siarhiej Siamaška paviedamiŭ žurnalistam: «U ciapierašni čas pytańnie ŭ stadyi razhladu. My prapanujem kampanii roznyja varyjanty dla taho, kab naša inviestycyjnaja damova realizavałasia na terytoryi Minskaj vobłaści ŭ Łahojskim abo Barysaŭskim rajonie».
Adnak u Enertrag ličać, što biełaruski bok nie źbirajecca praciahvać realizacyju prajekta.
— Nam nie prapanavali kampiensacyi za ŭsie našy vydatki. I prapanavali za naš košt znoŭ raspracavać prajekt pa budaŭnictvie vietraparku ŭ inšym miescy.Adkaz z našaha boku byŭ adnaznačny — my inviestavali 300 tysiač jeŭra i niamała času i zusim nie źbirajemsia jašče raz inviestavać stolki ž dla budaŭnictva novych vietrakoŭ, — kaža Hierd Charms. — Takim čynam, u adnabakovym paradku hetaja damova nie była napoŭnienaja žyćciom. Takoje ŭ nas upieršyniu zdaryłasia pry realizacyi prajekta ź dziaržarhanizacyjaj.
Śpiecyjalist adznačaje, što supracoŭnictva z Departamientam pa enierhaefiektyŭnaści, Minabłvykankamam na čale z hubiernataram, a taksama z Akademijaj navuk było vielmi paśpiachovym. «Hleba syšła
— Kali zychodzić z łohiki, to heta ž nie my pabudavali hetuju ŭstanoŭku. Pra jaje isnavańnie pavinien byŭ skazać partnior, jaki vioŭ z nami pieramovy i zaklučyŭ kantrakt. Biełaruski bok pavińnien byŭ by pakryć hrašovuju škodu abo ŭ inšym vyhladzie pravieści kampiensacyju, — pierakanany Hierd Charms. — My čakali ad Biełarusi bolš karektnych pavodzin. I dla siabie adnaznačna vyrašyli nie praciahvać bolš spravaŭ ź Biełaruśsiu i jaje ŭradam.
Źmianić hetaje rašeńnie mahła b tolki kampiensacyja vydatkaŭ ź biełaruskaha boku.
Pavodle słovaŭ kansultanta praŭleńnia Enertrag, kampanija mahła b raspačać ciažbu ź Biełaruśsiu ŭ mižnarodnych sudovych instancyjach, ale vyrašyła nie rabić hetaha, vyrašyŭšy, što sudovyja vydatki pahłynuć jašče 300–400 tysiač jeŭra.
Kompleks la pasiołka Vołma moh vyrablać kala 170 młn kVt/h elektraenierhii — heta prykładna hadavoje zabiaspnčańnie dvuch takich rajonaŭ, jak Dziaržynski.Jak adznačaŭ staršynia Minabłvykankama Barys Batura, z realizacyjaj prajekta dola vietraŭstanovak u ahulnym abjomie enierhaspažyvańnia ŭ staličnym rehijonie skłała b 3%.
Prajekt pavinien byŭ dazvolić Minskaj vobłaści značna pavialičyć dolu miascovych vidaŭ paliva ŭ
— Kali ščyra, to škada, što prajekt nie budzie realizavany, — pryznajecca i Hierd Charms. — U nas była dasiahnutaja damoŭlenaść z adnym ź biełaruskich univiersitetaŭ adnosna padrychtoŭki maładych śpiecyjalistaŭ. Źbiralisia padrychtavać śpiecyjalistaŭ pa servisnym absłuhoŭvańni parku, naładzić abmien śpiecyjalistami. Źjavilisia b i inšyja stanoŭčyja efiekty. Ale my spaźnilisia na dva hady i apynulisia ŭ palityčnym «ledavikovym pieryjadzie».
Daviedka
Park vietravoj enierhii «Enertrag» vyrablaje elektraenierhiju vyklučna z adnaŭlalnych krynic i adnosicca da najbujniejšych vytvorcaŭ elektraenierhii, atrymanaj za košt siły vietru. Jon maje bolš čym 500 vietranych ustanovak i vyrablaje štohod 1,9 młrd
Enertrag — adno ź niamnohich pradpryjemstvaŭ u śviecie, jakoje absłuhoŭvaje ŭsie źviony ŭ vytvorčym łancuhu atrymańnia enierhii za košt vietru.
U Biełarusi ciapier naličvajecca 20 vietraenierhietyčnych ustanovak, 14 ź ich — dziejnyja.
