Zaŭtra ŭ Biełaruś pryjdzie zima: budzie zavirucha, mocny viecier 6

Hladzi jašče: Jak padrychtavać aŭto da zimy

U bližejšyja sutki, 26 kastryčnika, umovy nadvorja ŭ krainie buduć vyznačać atmaśfiernyja franty ad šyrokaha cykłona z centram nad paŭnočna-zachodnimi rajonami Jeŭrapiejskaj Rasii. Čakajecca vobłačnaje z prajaśnieńniami nadvorje.

Časam buduć iści apadki ŭ vyhladzie daždžu, ranicaj i dniom jany piarojduć u mokry śnieh. Dniom miescami zavirucha. Viecier zachodni paryvisty, na bolšaj častcy terytoryi mocny paryvisty.

Tempieratura pavietra na praciahu sutak budzie znachodzicca ŭ miežach ad -1 ° S u paŭnočna-zachodnich rajonach da +7 ° S na paŭdniovym uschodzie krainy.

Čakajecca intensiŭny rost atmaśfiernaha cisku.

Na vychodnych, 27–28 kastryčnika, znoŭ čakajucca składanyja ŭmovy nadvorja.

27 kastryčnika nadvorje ŭ Biełarusi budzie vyznačać u asnoŭnym vobłaść panižanaha atmaśfiernaha cisku, dniom pa paŭdniova-ŭschodniaj častcy krainy adabjecca ŭpłyŭ aktyŭnych atmaśfiernych frantoŭ, jakija pieramiaščajucca z paŭdniovaha zachadu Jeŭropy.

Nočču miescami projdzie karotkačasovy śnieh, na darohach čakajecca hałalodzica, pa poŭnačy mocny paryvisty viecier.

Dniom pieravažna pa paŭdniova-ŭschodniaj pałovie krainy projdzie śnieh, mokry śnieh, pa Homielskaj vobłaści z daždžom, miescami čakajucca mocnyja apadki, tuman, hałalod. U asobnych rajonach mahčyma miacielica. Viecier paŭnočny paryvisty. Tempieratura pavietra ŭnačy składzie 0. -7 ° S, udzień -2. +5 ° S.

28 kastryčnika ŭmovy nadvorja na terytoryi krainy ŭ asnoŭnym budzie vyznačać paŭdniovy cykłon, jaki źmiaščajecca z Karpat.

U vyniku śnieh i mokry śnieh projduć na bolšaj častcy terytoryi krainy, miescami mahčymy mocnyja apadki i zavirucha.

Pa paŭdniovym uschodzie krainy čakajecca mokry śnieh z daždžom, miescami tuman, hałalod, nalipańnie mokraha śniehu. Nočču i ranicaj na asobnych učastkach daroh moža ŭtvaracca hałalodzica. Tempieratura pavietra ŭnačy budzie znachodzicca ŭ miežach -5. +2 ° S, dniom jana składzie 0. +5 ° S, pa Homielskaj vobłaści budzie na dva-try hradusy ciaplej.

pogoda.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH