Chevron šukaje ŭ Litvie słancavy haz

Infarmacyju pra źjaŭleńnie na miascovym rynku amierykanskaha naftahihanta paćvierdziŭ prem'jer-ministr Litvy Andrus Kubilus. Pavodle jaho słovaŭ, kali Chevron zmoža pačać zdabyču paliva ŭ krainie, to Litva maje šancy stać Dubajem abo Kataram. Raniej miascovaje Ministerstva enierhietyki aceńvała patencyjnyja zapasy słancavaha hazu ŭ krainie ŭ 100 miljardaŭ kubamietraŭ. Dla paraŭnańnia, «Hazpram» kožny hod ekspartuje ŭ Jeŭropu kala 150 miljardaŭ kubamietraŭ.

Ciapier Litva całkam zaležyć ad pastavak paliva z boku «Hazprama».

Pamiž rasijskaj kampanijaj i miascovymi čynoŭnikami rehularna ŭźnikajuć kanflikty jak praz ceny na paliva (dla Litvy jano daražejšaje, čym dla Łatvii ci Estonii), tak i praz kiravańnie miascovymi hazapravodami. Litva chacieła b padzialić zdabyvalnyja i transpartnyja kampanii, jak taho patrabuje treci enierhapakiet ES. U toj ža čas «Hazpram», jakomu naležyć dola ŭ miascovaj Lietuvos dujos, ličyć, što kampaniju dzialić nielha. Praz Lietuvos dujos «Hazpram» užo padavaŭ na Litvu pazoŭ u Stakholmski arbitraž, ale prajhraŭ spravu.

Raniej u Litvie płanavali źnizić zaležnaść ad «Hazprama» za košt budaŭnictva ZPH-terminała — jon dazvoliŭ by krainie prymać paliva nie pa hazapravodach, a z dapamohaj tankieraŭ.

Takim čynam, patencyjnymi pradaŭcami hazu dla Litvy zmahli b stać asnoŭnyja eksparciory paliva ŭ śviecie.

Słancavy haz pakul zdabyvajecca tolki na terytoryi ZŠA, ale jaho zapasy znachodziacca i ŭ Jeŭropie, i ŭ Azii, naprykład, u Kitai. Jaho raspracoŭka ličycca adnoj z pahrozaŭ dla «Hazprama», jaki, zrešty, pakul nazyvaje słancavy bum u ZŠA «halivudskim filmam». Šerah jeŭrapiejskich krain abmiežavaŭ daśledavańni ŭ halinie słancavaha hazu, aścierahajučysia paharšeńnia ekałahičnaha stanovišča.

lenta.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH