Smalavickuju brojlernuju ptuškafabryku pradali mahiloŭskamu «Siervaluksu» 3

Mahiloŭskaja kampanija «Siervaluks», jakoj vałodaje biznesmien Jaŭhien Baskin, stała ŭłaśnikam dziaržaŭnaj Smalavickaj brojlernaj ptuškafabryki.

Hetuju infarmacyju paćvierdzili ŭ Minskim abłvykankamie i na Smalavickaj fabrycy. Kampanija «Siervaluks» stała akcyjanieram Smalavickaj brojlernaj ptuškafabryki praz dadatkovuju emisiju akcyj i ŭžo prystupiła da realizacyi inviestycyjnaj prahramy na fabrycy. U jaje ramkach, u pryvatnaści, budzie pabudavany novy cech zaboju ptuški, ptušniki dla ŭtrymańnia statka i vyroščvańnia brojleraŭ, a taksama madernizavanyja inšyja abjekty.

Novy ŭłaśnik aktyŭna šukaje piersanał dla realizacyi svaich płanaŭ. Siarod vakansij, raźmieščanych na praciahu apošniaha miesiaca na adpaviednych internet-resursach, značacca načalnik vytvorčaści małočnaha filijała, zahadčyk składam, sistemny administratar.

Hetaja ździełka pryviała da stvareńnia najbujniejšaha brojlernaha biźniesu na rynku Biełarusi i adnaho z najbujniejšych u ramkach Adzinaj ekanamičnaj prastory.

Pa dadzienych Ministerstva sielskaj haspadarki i charčavańnia Biełarusi, pa vynikach pieršaha paŭhodździa 2012 hoda Smalavickaja brojlernaja ptuškafabryka zajmała pieršaje miesca pa abjomach vytvorčaści miasa brojleraŭ u žyvoj vazie. Na jaje mahutnaściach było vyrablena 25,5 tysiač ton miasa brojleraŭ.

Filijał «Siervaluks-Ahra», stvorany Baskinym na bazie pryvatyzavanaj u siaredzinie 2000-ch hadoŭ Mahiloŭskaj brojlernaj ptuškafabryki, za hety ž pieryjad vyrabiŭ bolš za 25 tysiač ton miasa. Za hetymi dźviuma fabrykami raźmiaścilisia baranavickaja ptuškafabryka «Družba» (24,8 tysiač ton), «Ahrakambinat «Dziaržynski» (23,9 tysiač ton) i Viciebskaja brojlernaja ptuškafabryka (21,9 tysiač ton).

Takim čynam, užo zaraz stvorany Baskinym chołdynh vyrablaje ŭ dva razy bolš miasa, čym bližejšy kankurent.

Pry hetym mahutnaści jak mahiloŭskaj, tak i Smalavickim fabryk buduć naroščvacca.

Ej.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH