Adzinaros zapatrabavaŭ zvolnić Poźniera ź Pieršaha rasijskaha kanała

Deputat Dziarždumy ad «Adzinaj Rasii» Illa Kostunaŭ nakiravaŭ list hiendyrektaru Pieršaha rasijskaha telekanała kanała Kanstancinu Ernstu z prośbaj zvolnić Uładzimira Poźniera z-za jaho vykazvańniaŭ ab rasijskaj pravaachoŭnaj sistemie.

Kamientary žurnalista, jakija prahučali ŭ niadzielu ŭ jaho prahramie «Poźnier», byli źviazanyja sa spravaj aktyvista «Levaha frontu» Leanida Razvazžajeva,

jaki abvinavačvajecca ŭ padrychtoŭcy da arhanizacyi masavych biesparadkaŭ.

Najbolšaja kolkaść pretenzij u deputata vyklikała fraza Poźniera pra toje, što «nijakaha pravasudździa ŭ krainie niama». Na dumku Kostunava, jon pavinien dać dokazy hetaj zajavy abo vybačycca, a kali jon hetaha nie zrobić, kiraŭnictva kanała pavinna jaho zvolnić.

U kancy prahramy Poźnier źviarnuŭsia da pradstaŭnika Śledčaha kamiteta Rasii Uładzimir Markina, skazaŭšy, što jamu nie varta dzivicca tamu, što mnohija ludzi nie vierać u «aficyjnuju viersiju» zatrymańnia Razvazžajeva.

Apazicyjanier śćviardžaje, što jaho vykrali na Ukrainie, dzie jon prasiŭ status uciekača, i šlacham psichałahičnych katavańniaŭ prymusili dać pryznalnyja pakazańni. SKR śćviardžaje, što aktyvist pryjšoŭ da ich dobraachvotna.

Poźnier pra spravu Razvažajeva

Bi-Bi-Si

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH