Maładych chryścijanskich demakrataŭ uznačaliła Maryna Chomič 10

Novaje hramadskaje abjadnańnie «Maładyja chryścijanskija demakraty», ustanoŭčy źjezd jakoha prajšoŭ u Minsku 3 listapada, uznačalili žančyny.

Staršynioj MCHD abrana 23-hadovaja Maryna Chomič. Jana skončyła Dziaržaŭny piedahahičny ŭniviersitet imia Tanka pa śpiecyjalnaści «biełaruskaja fiłałohija». Na parłamienckich vybarach 2012 hoda vyłučałasia kandydatam u deputaty ad Abjadnanaj hramadzianskaj partyi, była zarehistravana i na ahitacyjnych pikietach ahitavała za bajkot vybaraŭ. Razam ź inšymi kandydatami ad AHP Chomič źniałasia z vybaraŭ.

Namieśnikami staršyni stali Viktoryja Radzijeŭskaja (mižnarodny sakratar MCHD) i Volha Kavalkova. Delehaty taksama vybrali radu i revizijnuju kamisiju arhanizacyi.

Paśla svajho abrańnia Maryna Chomič akreśliła niekatoryja pryjarytetnyja zadačy novaj arhanizacyi.

«Samaja vialikaja prablema ciapier u Biełarusi — heta najaŭnaść palitźniavolenych.

Dva našyja lidary, Pavieł Sieviaryniec i Jaŭhien Vaśkovič (pradstaŭniki arhkamiteta pa stvareńni partyi „Biełaruskaja chryścijanskaja demakratyja“.), znachodziacca za kratami, i my abaviazany zmahacca za ich vyzvaleńnie», — zajaviła Chomič.