Dziesiać hadoŭ tamu Alek Chołden pajšoŭ u bukmekierskuju kantoru i pastaviŭ 100 funtaŭ na toje, što dažyvie da stohadovaha jubileju. Siońnia brytaniec śviatkuje svoj dzień narodzinaŭ, razbahacieŭšy na 25 tysiačaŭ funtaŭ (kala 50 tysiačaŭ dalaraŭ).
U 1997 h. firma «William Hill» acaniła šancy Hołdena jak 250:1. — Kali my pačynali prymać hetyja zakłady, 100 hadoŭ zdavalisia niečym nierealnym. My spadziavalisia na vialikija dachody. Adnak ciapier hetyja zakłady kaštujuć nam vialikich hrošaj — skazaŭ žurnalistam pradstaŭnik bukmekierskaj firmy.
Stohadovy Alek — były nastaŭnik, maje dvuch synoŭ. Svaju daŭhaviečnaść tłumačyć aŭsiankaj, jakuju štoranicy źjadaje na śniadańnie. Chołden — zaŭziaty šachmatyst. Akramia taho, što kožny dzień pryśviačaje čas lubimaj hulni, jon jašče i kiruje miascovym šachmatnym klubam.
