Jak paviedamlajecca na aficyjnym sajcie Respublikanskaha centra hihijeny, epidemijałohii i hramadskaha zdaroŭja, za 10 miesiacaŭ 2012 hoda ŭ krainie vyjaŭlena 1.046 VIČ-infikavanych (za taki ž pieryjad 2011 hoda — 992).
Na 100 tysiač nasielnictva siońnia prypadaje 115,9 vypadku VIČ-infiekcyi.
Bolš za ŭsio vypadkaŭ VIČ-infiekcyi zarehistravana ŭ Homielskaj vobłaści — 6 tys. 848. Zatym iduć Minsk (2,5 tys.), Minskaja vobłaść (1 tys. 949), Bresckaja (1 tys. 66), Mahiloŭskaja (815), Viciebskaja (743) i Hrodzienskaja (575) vobłaści.
Pieravažnaja kolkaść VIČ-infikavanych — va ŭzroście ad 15 da 29 hadoŭ. Udzielnaja vaha asob 15—19 hadoŭ u ahulnaj struktury VIČ-infikavanych za 10 miesiacaŭ 2012 hoda skłała 1,8% (u 2011 hodzie — 1,2%).
Ź liku ŭsich infikavanych 45,2% zarazilisia VIČ pry ŭnutryviennym uviadzieńni narkatyčnych srodkaŭ, 52,3% — pałavym šlacham. Siarod infikavanych u 2012 hodzie pry ŭžyvańni narkotykaŭ zarazilisia 21%, pałavym šlacham — 77,2%.
U cełym pa Biełarusi siarod VIČ-infikavanych 60,3% mužčyn. Za 10 miesiacaŭ hetaha hoda mužčyny skłali 53,4% ad usich VIČ-infikavanych.
Za ŭvieś čas raspaŭsiudžvańnia VIČ-infiekcyi (z 1987 hoda) ad VIČ-infikavanych maci naradziłasia 2 tys. 185 dziaciej, u tym liku za 10 miesiacaŭ hetaha hoda — 182. Dyjahnaz "VIČ-infiekcyja" paćvierdžany 2.010 dzieciam, narodžanym ad VIČ-infikavanych maci, u tym liku 12 dzieciam sioleta. Ź liku takich dziaciej 10 pamierli. Usiaho ŭ Biełarusi siarod dziaciej va ŭzrostavaj hrupie ad 0 da 14 hadoŭ zarehistravana 225 vypadkaŭ VIČ-infiekcyi.
U Biełarusi naličvajecca 3 tys. 517 chvorych ŚNIDam, u tym liku z pačatku 2012 hoda hety dyjahnaz ustanoŭleny 492 pacyjentam (za 10 miesiacaŭ 2011 hoda — 516).
Siarod VIČ-infikavanych pacyjentaŭ pamierła 3 tys. 8 čałaviek, u tym liku 1 tys. 676 — u stadyi ŚNIDu. Za 10 miesiacaŭ hetaha hoda pamierła 317 čałaviek, u tym liku 219 — u stadyi ŚNIDu. Dla paraŭnańnia, za 10 miesiacaŭ minułaha hoda pamierła 354 čałavieki, u tym liku 226 — u stadyi ŚNIDu.
