Namieśnik staršyniLibieralna-demakratyčnaj partyi Aleh Hajdukievič vykazaŭ padziaku Zianonu Paźniaku i zaklikaŭ jaho viarnucca ŭ Biełaruś. Ab hetym jon zajaviŭ napres-kanfierencyi 12 listapada ŭ Minsku.
Nahadajem, u niadaŭnich zajavach Zianon Paźniak rezka raskrytykavaŭ biełaruskuju apazicyju, zajaviŭšy, što taja całkam finansujecca i kantralujecca Zachadam i nie maje ŭłasnych idej i metaŭ.
«My ŭdziačnyja Zianonu Paźniaku za toje, što jon ahučyŭ toje, ab čym ŁDP havaryła na praciahu 10 hadoŭ. A Zianon Paźniak skazaŭ, što ŭsia naša apazicyja žyvie dla taho, kab dzialić jeŭrapiejskija hrošy», — zajaviŭ Hajdukievič.
Jak dobra siadzieć za miažoj i zmahacca za ščaście biełaruskaha naroda. Znachodzicca na zabieśpiačeńni Jeŭropy i ZŠA, žyć u dobrym jeŭrapiejskim domie, chadzić pa jeŭrapiejskich vulicach i pry hetym zmahacca za ščaście našaha biełaruskaha naroda», — razvažaje Aleh Hajdukievič.Jon adznačyŭ, što Paźniak užo šmat hadoŭ znachodzicca za miažoj. «Što pieraškadžaje jamu viarnucca? Tolki adno — jamu nie chočacca viartacca.
«Baraćba za ščaście našaha biełaruskaha naroda budzie adbyvacca tut: u Minsku, u Hrodnie, u Homieli, u Viciebsku, u Breście. Tolki na terytoryi našaj krainy», — zajaviŭ Hajdukievič.
U suviazi z hetym jon jašče raz pradziakavaŭ Paźniaku i zajaviŭ: «Para viartacca na radzimu. Pryjazdžaj, nichto ciabie tut nie kranie. Nijakaj niebiaśpieki dla ciabie tut niama. Bolš za toje — ciabie sustrenuć tut z kvietkami».
Adnak sam namieśnik staršyni ŁDP sumniavajecca, što Paźniak u Biełaruś vierniecca. «Siemdziesiat hadoŭ čałavieku. U jaho ničoha tut niama. Partyi — i toj niama. Nichto siudy nie pryjedzie — ni Paźniak, ni Sańnikaŭ, ni Michalevič. Usio, što im ciapier treba, — heta dobra ŭładkavacca za miažoj. Bolš ich ničoha nie cikavić», — ličyć Hajdukievič.
