Zavodskaje RUUS Minska pravodzić pravierku pa fakcie «miniravańnia» servisnaha centra adnaho z mabilnych apierataraŭ.
Jak paviedamili ŭ HUUS Minharvykankama,
10 listapada ŭ 13.50 u milicyju pastupiła paviedamleńnie ad rabotnika adnoj z kampanij sotavaj suviazi ab tym, što ŭ servisny centr pa vulicy Iskalijeva patelefanavaŭ nieviadomy i paviedamiŭ, što budynak zaminiravany.
Pa tryvožnaj infarmacyi na miesca nieadkładna prybyli supracoŭniki milicyi, ratavalniki i hrupa raźminiravańnia.
Z budynka byli evakujavanyja 49 čałaviek, śpiecyjalisty abśledavali terytoryju, vybuchovych pryład znojdziena nie było.
Asoby «minioraŭ» byli vyśvietlenyja ŭ hety ž dzień.
Heta dva braty, jakija pražyvajuć u Homielskim rajonie, starejšamu ź ich 14 hadoŭ, małodšamu — 9.Vyśvietliłasia, što spačatku jany patelefanavali ŭ servisny centr daviedacca ab umovach padklučeńnia da internetu, a ŭ kancy razmovy, jak sami pryznalisia, žartam skazali, što budynak zaminiravany.
Pravavaja acenka dziejańniam homielskich školnikaŭ pakul kančatkova nie dadziena. Pravaachoŭnyja orhany majuć šerah pretenzij i da baćkoŭ padletkaŭ.
0
0
0
0
0
0