Pavodle źviestak
Hramadskija rady
«Istotnaja ŭmova dasiahnieńnia pośpiechu ŭ baraćbie sa złačynnaściu — maksimalny ŭdzieł hramadskaści ŭ realizacyi dziaržaŭnaj palityki ŭ halinie achovy pravaparadku. U hetaj śfiery milicyja i nasielnictva pavinnyja być partniorami. U suviazi z hetym nami pryniataje rašeńnie ab stvareńni hramadskaj rady pry MUS, a taksama hramadskich radaŭ pry abłasnych upraŭleńniach unutranych spravaŭ, u skład jakich uvojduć pradstaŭniki tvorčaj intelihiencyi, spartyŭnaj supolnaści, hramadskich arhanizacyj, relihijnych kanfiesij, ŚMI», — raskazaŭ na naradzie ministr unutranych spravaŭ Ihar Šunievič.
Korpus achovy hramadskaha paradku
Prezident ličyć, što skasavańnie ŭpraŭleńnia korpusa achovy hramadskaha paradku nie tolki likviduje lišniuju strukturu ŭ viertykali vajskovaha składnika, ale i stvoryć reziervy dla farmavańnia peŭnych vajskovych častak, mahčyma, i pa achovie biełaruskaj AES. Alaksandr Łukašenka adznačyŭ, što jon prychilnik taho, kab było adzinaje kamandavańnie ŭsimi hetymi vojskami: «Usio prosta pavinna być. Tut vajskovy składnik pavinien być dakładny, bieź lišnich źvionaŭ».
Transpartnaja milicyja
Kiraŭnik dziaržavy taksama ličyć nieabchodnym aptymizavać sistemu transpartnaj biaśpieki dla ŭdaskanaleńnia viertykali ŭpraŭleńnia MUS.
Na transpartnuju milicyju prypadaje kala 1% rehistravanych u krainie złačynstvaŭ. «Vidavočna, što ŭzrovień nahruzki na asabisty skład tam na niekalki paradkaŭ nižejšy, čym u terytaryjalnych orhanach. U suviazi z hetym zakanamierna paŭstaje pytańnie ab likvidacyi takoha dysbałansu», — zajaviŭ Łukašenka.
Rearhanizacyja niekamplektu
Alaksandr Łukašenka daručyŭ taksama bolš staranna pierahledzieć kolkaść asabovaha składu. «Ciapierašni niekamplekt orhanaŭ unutranych spravaŭ znachodzicca ŭ miežach 6 tys. Ale na stanovišča niehatyŭna nie paŭpłyvaŭ. Heta značyć, dynamika narmalnaja, značyć, treba pahladzieć i na hetyja štaty.
Adziny numar «112»
Dziaržsakratar Savieta biaśpieki Leanid Malcaŭ raskazaŭ ab prapanovie stvaryć u Biełarusi adzinuju dziaržaŭnuju słužbu reahavańnia na paviedamleńni pra nadzvyčajnyja situacyi i zdareńni. «Prapanujecca adziny numar „112“, a ŭžo tam buduć raźmiarkoŭvać. U pryncypie, u nas zarodki takoj sistemy jość, i było pryniataje rašeńnie, što takuju sistemu treba stvarać, ale patrabujecca peŭny čas. Astatnija taksama zastanucca.
Plus u tym, što takaja sistema zabiaśpiečyć pazaviedamasny kantrol za rehistracyjaj roznaha kštałtu zdareńniaŭ i złačynstvaŭ», — adznačyŭ dziaržsakratar. Alaksandr Łukašenka taksama daručyŭ surjozna prapracavać hetuju ideju.
Adzinaja słužba sudovych ekśpiertyz
Kiraŭnik dziaržavy prapanavaŭ prapracavać varyjant stvareńnia ŭ krainie adzinaj słužby sudovych ekśpiertyz: «Kali my bačym, što treba stvarać hetuju słužbu,
Alaksandr Łukašenka daručyŭ da Novaha hoda ŭnieści prapanovy pa hetym pytańni.
HUBAZiK
Jašče adnoj zadačaj, jakuju nieabchodna vyrašać najbližejšym časam, Łukašenka nazvaŭ refarmavańnie Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj. Na jaho dumku, heta svoječasova i adpaviadaje abstanoŭcy, da taho ž pieradača bolš čym 180 vysokakvalifikavanych supracoŭnikaŭ hłaŭka ŭ kryminalnuju milicyju jaje ŭmacuje.
«Ale ŭ cełym takoje padraździaleńnie nieabchodnaje, choć i bolš kampaktnaje. Asabliva dla baraćby z karupcyjaj», — zajaviŭ Łukašenka.
Słužba sudovych prystavaŭ
Alaksandr Łukašenka daručyŭ Miniustu ŭzvažana praličyć patreby dla stvareńnia słužby sudovych prystavaŭ.
«Tolki chaču skazać: nijakich biudžetnych hrošaj na refarmavańnie struktury nie budzie! Navošta mnie takaja struktura, kali ja pavinien dastać z kišeni jašče miljardy abo tryljon rubloŭ, i na hetuju reformu pakłaści? Tamu vy nie raźličvajcie na vydzialeńnie hetych srodkaŭ. Usio sekanomlenaje pojdzie tolki na ŭtrymańnie milicyi — kvatery, transpart, zarpłaty, hrašovaje zabiaśpiečańnie i inšyja techničnyja srodki, jakija patrebnyja buduć», — padkreśliŭ kiraŭnik dziaržavy.
