Da hadaviny ź dnia śmierci navukoŭca, aśvietnika, kalekcyjanera Anatola Biełaha la jaho siadziby ŭstalavali pomnik.
Biust zrabiŭ narodny mastak Biełarusi Ŭładzimier Latun.
Biust ustalavany na vialikim 12-tonnym vałunie, jaki byŭ znojdzieny ŭ Staradarožskim rajonie. PomnikBiełamu staŭ u šerahu inšych pomnikaŭ vybitnym dziaržaŭnym dziejačam, paetam, artystam, śviatym, jakija jon ustalavaŭ na svajoj siadzibie.
Dziakujučy namahańniam Biełaha, byli znojdzienyja placoŭki i srodki dla ŭstalavańnia pomnika śviatoj Eŭfrasińni Połackaj ŭ Połacaku, Maksimu Bahdanoviču ŭ Jarasłaŭli, Łarysie Hienijuš u Zelvie, a taksama źjaviŭsia znakamity ansambal pomnikaŭ biełaruskim dziejačam u dvoryku BDU, dzie Anatol Bieły pracavaŭ z 1968 hoda.
Na ŭračystaje adkryćcio pomnika Biełamu ŭ Starych Darohach, dzie jon pachavany, pryjechali jahonaja ŭdava Ała Mikałajeŭna, dačka Śviatłana, svajaki, siabry klubu «Spadčyna», krajaznaŭcy, miascovyja aktyvisty. Niekalki dziasiatkaŭ čałaviek vystupili na adkryćci pomnika, zhadvajučy siabra i kalehu. Padčas vystupaŭ prahučała, što i muzej, jaki stvaryŭ u Starych Darohach na svajoj siadzibie Anatol Bieły, i jaki ŭtrymlivaje kala 1700 tvoraŭ vyjaŭlenčaha mastactva, i klub «Spadčyna», zasnavany ŭ 1984 hodzie, praciahvajuć pracavać.
Muzejem zaraz apiakujecca stryječny brat Anatol Michaś Bieły, a farmalna jon naležyć ŭdavie Ale Mikałajeŭnie. Jak raspaviała dačka Biełaha Śviatłana, u muzej ludzi prychodziać hrupami i paasobku, cikavaść da kalekcyi Anatola biełaha zastajecca.
Padrychtavany da druku Dyjaruš «Spadčyny», padrychtavany siabrami klubu i tom uspaminaŭ pra Anatola Biełaha.
