U Babrujsku aktyvisty demakratyčnych arhanizacyj sabrali i adpravili ŭ harvykankam 176 podpisaŭ hramadzian z prośbaj prysvoić imiony represavanych piśmieńnikaŭ Barysa Mikuliča i Siarhieja Hrachoŭskaha vulicam horada.
Zbor podpisaŭ byŭ abjaŭleny na viečarynie pamiaci achviaraŭ stalinskich represij 29 kastryčnika ŭ ofisie miascovaj arhanizacyi Abjadnanaj hramadzianskaj partyi.
Jak paviedamiła hałoŭny arhanizatar zboru podpisaŭ Volha Pimanava,
ideju ab prysvajeńni imionaŭ represavanych babrujskim vulicam padaŭ pravaabaronca Aleś Bialacki, jaki znachodzicca ŭ źniavoleńni ŭ Babrujsku.«Jon skazaŭ, što ŭ nas byŭ taki Barys Mikulič, piśmieńnik, represavany, sioleta jamu spaŭniajecca 100 hadoŭ, i Hrachoŭski, jaki pačynaŭ svaju pracoŭnuju dziejnaść mienavita ŭ Babrujsku. Jon nahadaŭ, što hety hod — Hod knihi, a taksama
Pimanava paviedamiła, što, kali ŭščylnuju zaniałasia zboram materyjałaŭ pra piśmieńnikaŭ, vyśvietliłasia, što vialikuju pracu ŭ hetym kirunku ŭžo praviała babrujskaja biblijateka № 4.
Kalektyŭ hetaj biblijateki ŭžo niekalki hadoŭ vystupaje za toje, kab joj było prysvojena imia Barysa Mikuliča.
Aktyvistka paviedamiła, što supracoŭniki biblijateki źviazalisia z žycharami pasiołka Mašukoŭka ŭ Sibiry, dzie pamior biełaruski piśmieńnik, i aktyŭna viaduć ź imi pierapisku. «Adtul pieradali šmat materyjału pra Mikuliča. Jany dahladajuć mahiłu biełaruskaha piśmieńnika — i dzieci, i hramadskija aktyvisty», — zaznačyła Pimanava.
«U 2002 hodzie ŭ Mašukoŭcy byŭ adkryty nadmahilny pomnik Barysu Mikuliču.Čas, rasstaviŭšy ŭsio pa svaich miescach, viarnuŭ nam sumlennaje i niezaplamlenaje imia piśmieńnika. My pamiatajem pra vas, Barys Michajłavič…» — napisaŭ nastaŭnik historyi mašukoŭskaj siaredniaj škoły Michaił Zacharcoŭ u 2007 hodzie ŭ haziecie «Krasnojarskij rabočij».
«Pamiatajuć pra jaho ludzi tam, u Rasii, u Sibiry, a ŭ nas heta tema navat nie ŭźnimałasia, u nas cišynia», — skazała Pimanava. Pavodle jaje słoŭ, takaja situacyja i padšturchnuła pradstaŭnikoŭ usich babrujskich demakratyčnych arhanizacyj da rašeńnia ŭźniać temu represavanych piśmieńnikaŭ.
Jak zaznačyła Pimanava,
inicyjatary zboru podpisaŭ dali ŭładam svabodu vybaru, jakim mienavita vulicam varta prysvoić imiony Mikuliča i Hrachoŭskaha, — novym ci starym.
