«Niachaj ich budzie nie 12 tysiač, nie 10 tysiač i navat nie 6 tysiač čałaviek, — skazaŭ Alaksandr Łukašenka, pradstaŭlajučy novaha kiraŭnika KDB Valeryja Vakulčyka. — Niachaj ich zastaniecca 3 tysiačy.Ale heta zastanucca samyja addanyja dziaržavie ludzi. Z takimi Vakulčyk budzie pracavać. Usie astatnija — kudy chočuć chaj sychodziać», — skazaŭ kiraŭnik Biełarusi.
Ci aznačajuć hetyja słovy, raspaŭsiudžvanyja dziaržaŭnym ahienctvam BiełTA, što ŭ Kamitecie na siońnia pracuje až 12 tysiač čałaviek? Imavierna, tak.
Dla paraŭnańnia: pry kancy isnavańnia SSSR kolkaść supracoŭnikaŭ Kamiteta dziaržbiaśpieki biez uliku Pamiežnych vojskaŭ, ale z ulikam Vojskaŭ uradavaj suviazi składała kala 260 tysiač čałaviek.U SSSR tady žyło 280 miljonaŭ čałaviek, u Biełarusi ciapier — 9,4 miljona. Kali 12 tysiač — dakładnaja ličba, to tady vychodzić, što kolkaść śpiecsłužbistaŭ na dušu nasielnictva ŭ Biełarusi istotna vyšejšaja, čym u SSSR. Reč u tym, što
KDB — nie adzinaja śpiecsłužba ŭ Biełarusi. Jość jašče Apieratyŭna-analityčny centr, Słužba achovy prezidenta i h.d.
U HDR u 1989 h. ź jaje nasielnictvam 16 młn čałaviek kolkaść supracoŭnikaŭ i ahientaŭ dziaržbiaśpieki (Štazi) składała 91 015 čałaviek na štatnaj asnovie i kala 200 tys. nieaficyjnych infarmataraŭ. Jak ličycca, Štazi była samaj razhalinavanaj i šmatlikaj siarod śpiecsłužbaŭ krain pad savieckim kantrolem.
Jak piša Siarhiej Navumčyk, u 1993 hodzie, kali jon byŭ deputatam Viarchoŭnaha Savieta, kolkaść supracoŭnikaŭ KDB składała 8500 čałaviek.
0
0
0
0
0
0
