Kiraŭnik infarmacyjnaha adździeła Homielskaj jeparchii protaijerej Aleh Kastrama prakamientavaŭ ukazańni homielskich ideołahaŭ duchavienstvu nakont nibyta isnych u chramach niedachopaŭ.
16 listapada kiraŭnictva Homiela sumiesna z pradstaŭnikami jeparchijalnaha ŭpraŭleńnia i nastajacielami miascovych chramaŭ razhledzieli pytańni supracoŭnictva orhanaŭ ułady i jeparchii. Na sustrečy, pra jakuju napisała hazieta «Novyj Viečiernij Homiel», prahučali niekatoryja pretenzii da carkvy z vusnaŭ načalnika adździeła ideałahičnaj pracy Homielskaha harvykankama Hanny Šydłoŭskaj. U pryvatnaści, jana skazała pra «nieprazrystaść farmiravańnia cen na vaskovyja śviečki ŭ prychodach i bieskantrolnyja vyjemki srodkaŭ sa śpiecyjalnych skryniaŭ dla zboru achviaravańniaŭ, ustanoŭlenych u hramadskich miescach».
«Palityki farmiravańnia cen u pravasłaŭnych chramach nie isnuje, jość paniaćcie „achviaravańnie“. Kali ŭ čałavieka niama hrošaj na śviečku, jon moža ŭziać jaje ŭ chramie biaspłatna.U chramach Homielskaj jeparchii jość takoje dobrasłavieńnie — kali čałaviek pryjšoŭ i kaža, što niama hrošaj na tuju ci inšuju adpravu, śviatary hetuju adpravu robiać biaspłatna», — prakamientavaŭ Aleh Kastrama.
Jon zaznačyŭ, što i ŭ vyjemkach achviaravańniaŭ parušeńniaŭ niama: jość revizijnaja kamisija, jakaja zaŭsiody robić vyjemku, pieraličvaje hrošy, niepasredna ŭ mahazinach abmieńvaje drobnyja kupiury na bujnyja i składajecca akt paśla pryjezdu ŭ chram. Adkul i da čaho mienavita pretenzii ŭ ideołahaŭ — protaijerej nie viedaje.
Śviatar padkreśliŭ, što ŭžo atrymany dazvoł ad prezidenta Biełarusi ab vydzialeńni ziamli dla budaŭnictva chrama Śviatych dabraviernych kniazioŭ Piatra i Fieŭronii Muramskich.Načalnik adździeła ideałahičnaj pracy paprakała, što jeparchija nie aformiła budaŭnictva adpaviednym čynam.
Na sustrečy ŭ harvykankamie było ŭźniata pytańnie ab nieabchodnaści ŭstalavańnia ŭ chramach pažarnych apaviaščalnikaŭ.
«Sučasnyja pažarnyja apaviaščalniki spracoŭvajuć na dym ad kadziła, apaviaščalniki nieprymianialnyja ŭ chramach. Ujavicie: śviata, i spracoŭvaje apaviaščalnik.Va ŭsich haradskich chramach jość vartaŭniki, i jość sposaby apaviaščeńnia pra pažar, i tušeńnia ŭzharańniaŭ. A kali surjozny pažar, to vartaŭnik vyklikaje ratavalnikaŭ», — rastłumačyŭ protaijerej.
Jon zaŭvažyŭ, što jašče nie było takoha, kab u chramie zhareli ludzi, kali, viadoma, jany nie pryniali pakutnickuju śmierć.Pavodle słoŭ Aleha Kastramy, nieprymianialnyja da chrama i patrabavańni pažarnych prykrucić padśviečniki da padłohi, tamu što na vialikija śviaty
«Treba, kab pažarnyja vypracavali patrabavańni, jakija b złučalisia z carkvoj. Kab pachadzili ŭ chram, pamalilisia i pahladzieli zboku, što i jak rabić. My ž nie suprać palapšeńniaŭ, a tolki za», — vykazaŭsia śviatar.
Jon padsumavaŭ, što pasiadžeńnie ŭ harvykankamie było rabočym, i jon ličyć jaho plonnym.
