Raniej Aleś Bialacki admoviŭsia ad hrašovaha składnika premii — 10 000 jeŭra. Jon paprasiŭ nakiravać hetyja hrošy na padtrymku pravaabarončaj dziejnaści ŭ Biełarusi. Cyrymonija adbyłasia ŭ Bierlinie.
Fundacyja imia Hienrycha Biola ŭznaharodziła vice-prezidenta Mižnarodnaj fiederacyi pravoŭ čałavieka, pravaabaroncu, palitviaźnia Alesia Bialackaha premijaj Petry Keli ŭ lipieni.
Premija Petry Keli prysudžajecca z 1998 h. asobam ci hrupam asobaŭ za aktyŭny ŭdzieł u baraćbie za zachavańnie pravoŭ čałavieka, niehvałtoŭnaje vyrašeńnie kanfliktaŭ i abaronu navakolnaha asiarodźzia. Premija była zasnavanaja ŭ pamiać viadomaj palityčnaj dziajački Petry Keli (1947–1992), jakaja brała ŭdzieł u stvareńni Partyi zialonych u Niamieččynie.
Sprava Bialackaha
Kiraŭnik pravaabarončaha centra «Viasna» Aleś Bialacki asudžany na 4,5 hoda turmy ŭ listapadzie 2011 h. Jaho pryznali vinavatym u niaspłacie padatkaŭ. Pravaabaronca svajoj viny nie pryznaŭ i zajaviŭ, što ŭsie hrošy, atrymanyja na jaho rachunki, išli na pravaabarončuju dziejnaść. Padstavaj dla kryminalnaha pieraśledu Bialackaha stała infarmacyja pra bankaŭskija rachunki, jakuju pieradali aficyjnamu Minsku Litva i Polšča.
Krainy ES, ZŠA i mižnarodnyja pravaabarončyja arhanizacyi ličać Bialackaha palitviaźniem, a prysud jamu — palityčna matyvavanym. Jany patrabujuć ad uładaŭ Biełarusi vyzvalić pravaabaroncu.