U ministerstvie niama stałovaj!», — kažuć mnie na vachcie Ministerstva handlu i Minsportu. I prapanoŭvajuć pajści nasuprać — u Minsielhascharč.
Dla niedaśviedčanych ludziej — uvachod u stałovuju ministerstva praz arku, potym praz kalidory i padsobnyja pamiaškańni z budmateryjałami, navierch pa leśvicy i — stałovaja pierad vami.
«U nas i ministr amal kožny dzień abiedaje. U asobnaj zale dla kiraŭnictva», — zaŭvažajuć u stałovaj.
Prystojna paabiedać tryma stravami tut možna za 22 400 rubloŭ.U mieniu — piać vidaŭ sałaty, pa siarednim košcie ŭ 5 tysiač rubloŭ, try vidy supa pa siarednim košcie ŭ 3,5 tysiačy rubloŭ, harniry za takuju ž sumu, a taksama tut možna zamović šašłyk sa śvininy za 19 tysiač rubloŭ i čachachbili za 13 tysiač rubloŭ.
«Vychodzim u Saŭmin, tudy ŭsich puskajuć.U nas bufiet jość, kavu možna vypić. Zaŭsiody tut jadzim, nam padnadakučyła trochi, bo adno i toje ž kožny dzień. Ale prosta pierakusić možna», — u Ministerstvie achovy zdaroŭja skardziacca na asartymient bufieta.
U kaviarni «Miensk», što znachodzicca ŭ budynku Ministerstva padatkaŭ i Ministerstva adukacyi, puskajuć usich.
Siaredni košt abiedu tut 23–25 tysiač rubloŭ, kali nie mocna šykavać i nie zakazvać rybu pad syram za 36 tysiač rubloŭ.
A voś Ministerstva finansaŭ maje kaviarniu z adpaviednaj nazvaj — «Manietny dvor». Siaredni abied tut z supa, bulbianoha piure, miasnoj adbiŭnoj, a taksama soka abyjdziecca ŭ 30 tysiač rubloŭ.
«Čaju i kavy ŭ nas niama. Sok, kali łaska, 2,5 tysiačy rubloŭ šklanka», — raskazvajuć u stałovaj Minfina.
Taja ž zapiečanaja ryba z hrybami kaštuje tolki 22 tysiačy rubloŭ, bulbianoje piure — nie 3,5,a 1,5 tysiačy, i ananasavy sok tańniej na tysiaču, čym u padatkavikoŭ. Da ŭsiaho ž tam svaja vypiečka, pa koštach 1300–1700 rubloŭ.Tańniej za ŭsich charčujucca supracoŭniki Minharvykankama. Košty — jak i ŭ susiedniaj stałovaj BDU.
Supracoŭnikam Ministerstva statystyki i Ministerstva pramysłovaści paabiedać va ŭstanovie niama dzie.
Ministerstva pramysłovaści chodzić u kaviarniu «Vavioračka» ci jašče kudy. A voś Minstatystyki idzie na abied u susiedni «Narhas».
Dyk voś adkul siaredni abied, pavodle źviestak Biełstata, kaštuje kala 13 tysiač rubloŭ?!.Paabiedać u «Narhasie», kali niama hrošaj, kaštuje krychu bolš — 15 000 rubloŭ.
«Kali brać samaje tannaje, kampot niejki, kašu, sup małočny, dyk možna paabiedać i za 15 000 rubloŭ», — paćviardžajuć u stałovaj univiersiteta.
