Sa studzienia pa kastryčnik DAI zatrymała 40 tysiač pjanych kiroŭcaŭ

Za 10 miesiacaŭ hetaha hoda supracoŭniki darožna-patrulnaj słužby DAI zatrymali bolš jak 40 tysiač niećviarozych kiroŭcaŭ. Pra heta paviedamili va ŭpraŭleńni Dziaržaŭtainśpiekcyi MUS Biełarusi.

Tam adznačyli, što, pavodle statystyki, z ahulnaha masivu darožna-transpartnych zdareńniaŭ z zahinułymi i paciarpiełymi u 14% DTZ vinavatyja kiroŭcy, jakija znachodzilisia pad uździejańniem śpirtnoha. Sioleta pjanymi vadzicielami było ŭčyniena 546 DTZ, u vyniku jakich zahinuli 140 i atrymali ranieńni 612 čałaviek.

Recydyŭnaść hetaha vidu parušeńniaŭ vialikaja: praktyčna kožny dziasiaty parušalnik paśla pryciahnieńnia da administracyjnaj adkaznaści siadaje za rul u pjanym vyhladzie paŭtorna na praciahu hoda.

Pavodle infarmacyi UDAI MUS, za minułuju piatnicu i ŭ vychadnyja dni na darohach krainy zarehistravana 879 DTZ z materyjalnym uronam. Učyniena 49 DTZ (ź ich čatyry ŭ stanie ałkaholnaha apjanieńnia), u jakich 10 čałaviek zahinuli, 51 atrymaŭ ranieńni.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH