24-hadovy atakujučy paŭabaronca BATE i zbornaj Biełarusi Renan Bresan pierajšoŭ u rasijski futbolny kłub «Ałanija» (Uładzikaŭkaz).
U ciapierašnim rozyhryšy Lihi čempijonaŭ Bresan vychodziŭ na pole ŭ šaści matčach i zabiŭ dva miačy — «Bavaryi» i «Valensii».
U čempijanacie Biełarusi 2012 h. Bresan pravioŭ 26 hulniaŭ, zabiŭ 11 miačoŭ i addaŭ 5 halavych pieradač.
Staršynia praŭleńnia BATE Anatol Kapski paćvierdziŭ pierachod: «Bresan prachodzić miedycynskuju kamisiju ŭ «Ałanii». Kali ŭ jaho sa zdaroŭjem budzie ŭsio dobra - kantrakt padpišacca. U takim vypadku hulec piarojdzie ŭ «Ałaniju» pa zakančeńni siezona.
Suma adstupnych? Pa damoŭlenaści pamiž kłubami suma nie vydajecca. Tranśfier ź finansavaha punktu hledžańnia vielmi dobry.
Rašeńnie pierajści ŭ «Ałaniju» pryniali hulec i jaho ahient.
Rienanu prapanavali ŭmovy, ad jakich było składana admovicca. Jaho bačać hulcom asnoŭnaha składu.
Nahadajem, pavodle dadzienych Transfermarkt, Bresan źjaŭlajecca samym darahim hulcom BATE. Jaho tranśfierny košt składaje 2,5 miljona jeŭra.
«Ałanija», trenieram jakoj źjaŭlajecca Valeryj Hazajeŭ, zajmaje pieradapošniaje miesca ŭ čempijanacie Rasii.
