Prapanovy pa refarmavańni vybarčaha zakanadaŭstva Biełarusi płanujecca pradstavić Łukašenku ŭ pačatku śniežnia, paviedamiła staršynia Centralnaj vybarčaj kamisii Biełarusi pa vybarach i praviadzieńni respublikanskich refierendumaŭ Lidzija Jarmošyna.
«Raźličvaju, što zakanadaŭčyja prapanovy pa refarmavańni vybarčaha zakanadaŭstva buduć pradstaŭleny kiraŭniku dziaržavy ŭ pieršych čysłach śniežnia», — udakładniła jana.
Jak paviedamlałasia raniej, u liku mahčymych novaŭviadzieńniaŭ u vybarčaje zakanadaŭstva Biełarusi — stvareńnie terytaryjalnych vybarčych kamisij abłaściej i Minska, jakija pasłužać pramiežkavym źvianom pamiž CVK i akruhovymi kamisijami pry razhladzie skarhaŭ.
Prapanujecca taksama pradastavić prava vyłučać kandydataŭ u deputaty respublikanskim hramadskim arhanizacyjam kolkaściu bolš jak 1 tys. členaŭ. Akramia taho, u pierśpiektyvie mohuć być źniaty abmiežavańni pa sumie, jakuju kandydaty mohuć sami ŭnosić u svoj vybarčy fond.