Biełaruskaje radyjo budzie tranślavać parłamienckija pasiadžeńni 2

28 listapada Biełaruskaje radyjo praviadzie pramuju tranślacyju sumiesnaha pasiadžeńnia pałat nacyjanalnaha schodu, na jakim deputaty pałaty pradstaŭnikoŭ i členy savieta respubliki buduć zadavać pytańni členam urada.

Jak paviedamlaje pres-słužba Biełteleradyjokampanii, «z pačatkam pracy deputataŭ novaha sklikańnia aktyŭna abmiarkoŭvałasia pytańnie ab arhanizacyi pramych radyjotranślacyj parłamienckich pasiadžeńniaŭ. U vyniku 28 listapada 2012 hoda Pieršy nacyjanalny kanał Biełaruskaha radyjo zapłanavaŭ tranślacyju ŭ pramym efiry sumiesnaha pasiadžeńnia abiedźviuch pałat biełaruskaha parłamienta. Pačatak u 10.00».

Na sumiesnym pasiadžeńni, u pryvatnaści, buduć abmiarkoŭvacca pytańni raźvićcia ahrapramysłovaha kompleksu, z asnoŭnym dakładam vystupić namieśnik prem'jer-ministra Biełarusi Michaił Rusy.

U pałacie pradstaŭnikoŭ paviedamili, što pramyja tranślacyi sumiesnych pasiadžeńniaŭ pałat parłamienta stanuć tradycyjnymi. Sumiesnyja pasiadžeńni prachodziać padčas siesij pałat parłamienta adzin raz u miesiac.

0

0

0

0

0

0

Siarhiej Karalevič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH