Prakuratura Navapołacka raspačała śledstva pa kryminalnaj spravie, uzbudžanaj u dačynienni da dyrektara miascovaha zavoda białkova‑vitaminnych kancentrataŭ Eduarda Sanara.
Kiraŭnik pradpryjemstva, jakoje ŭžo nie pieršy hod niasie bujnyja straty i tryvała znachodzicca ŭ liku adstajučych, padazrajecca ŭ złoŭžyvanni słužbovym stanoviščam z nastupnym razbazarvańniem zavodskich srodkaŭ.
Letaś, davodzić prakuratura, Eduard Sanar zaprasiŭ dla demantažu sastarełaha abstalavańnia, razrazańnia i realizacyi čornych mietałaŭ minskuju pryvatnuju firmu «Kiłt», jakoj z kazny pradpryjemstva zapłacili až 85 miljonaŭ rubloŭ. Adnak prakuratura daviedałasia, što ŭsio, zroblenaje minčanami za vialikija hrošy, mahło amal zadarma i ź lepšaj jakaściu zrabić viciebskaje unitarnaje pradpryjemstva «Viciebskdruhmiet», što stała zajmacca zboram i pierapracoŭkaj druhasnaj mietaličnaj syraviny. Pavodle viersii śledstva, dyrektar zavoda BVK skarystaŭ asabistuju ŭładu ŭ karyslivych metach i hetym nanios pradpryjemstvu istotnuju materyjalnuju škodu.