U paniadziełak 7 traŭnia pačynajecca zbor zajavak ad hurtoŭ, jakija chočuć uziać udzieł u konkursie «Basovišča 2007». Takoje rašeńnie pryniaŭ arhkamitet adboračnaha turu «Basovišča». Sioleta kaardynavać jaho budzie siabra redakcyi «Tuzina Hitoŭ» Alaksiej Minčonak. Pa bližejšym časie pačniecca farmiravańnie žury adboračnaha turu, a taksama padrychtoŭka da «Adboryšča» — kancertu, na jakim buduć vyznačanyja ŭdzielniki konkursnaj častki «Basovišča». Najpierš paviedamlajem praviły padačy zajavak na udzieł u konkursie.
Padać zajaŭku na ŭdzieł u konkursie «Basovišča» moža luby biełaruski hurt, jaki hraje ŭ rečyščy «žyvoj muzyki» (to bok muzyki, vykananaj na «žyvych» instrumentach, dapuskajecca vykarystańnie elektronnych instumentaŭ, sempłaŭ i h.d. u jakaści nieasnoŭnych).
Terminy pryjomu zajavak.
Pačatak pryjomu — 7 traŭnia
Skančeńnie pryjomu — 28 traŭnia
Zajaŭki, dasłanyja pa‑za hetymi terminami nia buduć pryniatyja da razhladu!
Patrabavańni da hurtoŭ, jakija padajuć zajaŭki:
‑ Zapis jak minimum adnoj pieśni na biełaruskaj movie na CD‑nośbicie ci ŭ elektornnym vyhladzie (MP3, WAV, WMA i h.d.);
‑ Najaŭnaść 20‑ci chvilinnaj «žyvoj» kancertnaj prahramy na biełaruskaj movie;
‑ Najaŭnaść va ŭsich muzykaŭ hurta dziejnaha ahulnahramadzianskaha pašpartu. Termin dziejnaści pašpartoŭ usich udzielnikaŭ pavinien skončvacca nie raniej listapada 2007 hodu (heta patrabavańnie konsulstva Respubliki Polšča);
‑ Hatoŭnaść usich muzykaŭ u najkaratčejšy termin pastavić dazvolnyja štampy ŭ pašparty dla vyjezdu va ŭsie krainy śvietu.
Zajaŭki pavinny ŭtrymlivać:
‑ Zapis adnoj (ci bolej) pieśni na biełaruskaj movie na CD‑nośbicie ci ŭ elektornnym vyhladzie (MP3, WAV, WMA i h.d.);
‑ Karotkuju infarmacyju pra hurt, jaki padaje zajaŭku (data zasnavańnia, infarmacyja pra ŭdzielnikaŭ, karotkaja historyja hurta);
‑ Kantaktny telefon adkaznaj asoby ŭ hurcie, a taksama kantaktnyja telefony dvuch inšych udzielnikaŭ hurta.
Biez vykanańnia hetych umovaŭ zajaŭki prymacca da razhladu nia buduć!
Jak padać zajaŭku:
Praz e‑poštu.
Lepiej za ŭsio dasyłać praz elektronnuju poštu na adras [email protected]
Praz zvyčajnuju poštu.
Listy z muzyčnym materyjałam i infarmacyjaj pra hurt treba nakiroŭvać na adras:
220050, Miensk, Hałoŭpaštampt, Daša Słabčanka (da zapatrabavańnia)
Z ruk u ruki (dla mienčukoŭ i haściej stalicy).
Dla taho, kab damovicca na sustreču j pieradać zajaŭku treba patelefanavać pa teł. +375 29 113‑09‑08 (Velcom) ci +375 29 701‑78‑30 (MTS).