U padrychtavanaj da travieńskaha Sojmu Kanservatyŭna‑Chryścijanskaj Partyi —BNF pramovie lider partyi Zianon Paźniak źviarnuŭ uvahu na ŭzmacnieńnie antybiełaruskaj palityki, što asabliva charakterna vyjaŭlajecca apošnija paŭhodu. Heta j likvidacyja Biellitfondu, i pieraśled moładzi pa palityčnych matyvach i h.d.
Na dumku Z. Paźniaka, kanflikt z Maskvoju nijak nie paŭpłyvaŭ na antybiełaruskuju palityku Łukašenki. «Ja znoŭ akcentuju ŭvahu na tym, što nafta‑hazavy kanflikt Łukašenki z Maskvoj i ŭsia palityčnaja rytoryka, jakuju jon vyklikaŭ pa siońniašni dzień, nia majuć pryncypovaha charaktaru i nie źmianiajuć kardynalnuju maskoŭskuju i łukašysckuju palityku, nakiravanuju na vyniščeńnie biełaruskaj nacyi. Zaŭvažcie taksama, što ŭ Rasiei Łukašenku padtrymlivajuć samyja krajnija, šavinistyčnyja i prakamunistyčnyja siły» — zaznačaje palityk. Pryčynaj hetamu Paźniak bačyć niesfarmavanaść biełaruskaj nacyi, jakuju ŭvieś čas niščać: «Balšynia biełaruskaha hramadztva ŭžo stahodździ viečna ničoha nie razumieje. A vopyt papiarednich nie zasvojvajecca nastupnymi, bo ŭ nacyjanalna‑defarmavanym hramadztvie katastrafična abnižana pamiać». U takoj sytuacyi nielha krytykavać narod, pieraścierahaje palityk. Adzinaje vyjście ŭ nacyjanalnaj aśviecie — «dapamahčy ŭśviadomicca i dapamahčy zrazumieć».
SP
