U kancercie ŭ Horadni, jaki 19 traŭnia raspačnie respublikanskuju akcyju «Za niezaležnuju Biełaruś!», voźmuć udzieł vykanaŭcy, što stała absłuhoŭvajuć prapahandysckija mierapryjemstvy
Kancert adbudziecca na Savieckaj płoščy. Paśla taho jak na joj pavysiakali drevy i pakłali plitku, jana źmiaščaje da 15 tysiačaŭ čałaviek. Pierad haradziencami vystupiać Mikałaj Skorykaŭ, Ina Afanaśjeva, Iryna Darafiejeva, Alaksiej Chlastoŭ, Palina Smołava, vykanaŭcy i kalektyvy abłasnoj filarmonii, haradzienski hurt sučasnaj chareahrafii «TAD» dy inš.
20 traŭnia akcyja pieramieścicca ŭ Vaŭkavysk.
Pa słovach arhanizataraŭ, respublikanskaja akcyja «Za niezaležnuju Biełaruś!» nakiravanaja na farmavańnie patryjatyčnych kaštoŭnaściaŭ, papularyzacyju moładzievaha ruchu i prapahandu muzyčnaj tvorčaści, zdarovaha ładu žyćcia. Finišuje akcyja 3 lipienia.