Kiraŭnik misii ABSIE ŭ Biełarusi Okie Pietersan pakidaje svaju pasadu. Pra heta BiełaPAN paviedamili ŭ ofisie arhanizacyi ŭ Minsku. Šviedski dypłamat budzie pracavać pradstaŭnikom Savieta Jeŭropy va Ukrainie.
Pakul nieviadoma, chto budzie novym kiraŭnikom ofisa ABSIE ŭ Minsku. Adnak, zhodna z praviłami arhanizacyi, na hetuju pasadu nie mohuć być pryznačany pradstaŭniki krain, ź jakimi Biełaruś maje ahulnyja miežy.
Nahadajem, O.Pietersan byŭ pryznačany kiraŭnikom minskaha ofisa ABSIE 2 žniŭnia 2005 hoda i prybyŭ u Biełaruś 29 žniŭnia. Da jaho hetuju pasadu zajmali niamieckija dypłamaty Chans‑Hieorh Vik i Ebierchard Chajkien.
O.Pietersan — karjerny dypłamat. Da pryznačeńnia ŭ Biełaruś jon uznačalvaŭ departamient MZS Šviecyi pa pytańniach palityki ŭ śfiery biežancaŭ i mihracyi. Vopyt pasła na dypłamatyčnaj słužbie ŭklučaje misii ŭ Rasii i krainach Uschodniaj Jeŭropy, u pryvatnaści va Ukrainie, a taksama ŭ Afrycy, ZŠA, krainach Paŭdniova‑Uschodniaj Jeŭropy.
