Pra heta śviedčać vyniki specyjalnaha daśledavańnia, praviedzienaha Eŭrapiejskaj sacyjalahičnaj słužbaj (Eŭrabarometar). Pieravažnaja bolšaść eŭrapiejcaŭ (88%) padtrymlivajuć ideju zabarony paleńnia ŭ začynienych słužbovych i pracoŭnych pamiaškańniach, a taksama ŭ hramadzkich miescach. Bolšaść eŭrapiejcaŭ ličać, što paleńnie treba zabaranić u barach (62%) i restaracyjach (77%).
Tracina eŭrapiejskich kurcoŭ na praciahu apošnich 12 miesiacaŭ sprabavali admovicca ad škodnaj zvyčki. Častka tych ź ich, chto mienš čym praz dva miesiacy viarnuŭsia da paleńnia, składaje 70%.
Pavodle dadzienych ekspertaŭ, 650 tysiačaŭ eŭrapiejcaŭ štohod pamirajuć ad chvarobaŭ, vyklikanych paleńniem. 80 tysiačaŭ hramadzianaŭ EZ pamirajuć z‑za chvarobaŭ, vyklikanych pasyŭnym paleńniem.
31 studzienia hetaha hodu Eŭrapiejskaja Kamisija pryniała Zialonuju knihu « Na šlachu da Eŭropy biaz tytuniu», vystupiŭšy z šeraham svaich prapanovaŭ pa baraćbie z raspaŭsiudžvańniem paleńnia ŭ Eŭraźviazie.
