Zatrymany staršynia dziaržaŭnaha pradpryjemstva «Biełnaftachim» Alaksandar Baroŭski. Jaho padazrajuć u kradziažy i złoŭžyvańni słužbovym stanoviščam.
Zatrymany staršynia dziaržaŭnaha pradpryjemstva «Biełnaftachim» Alaksandar Baroŭski. Jaho padazrajuć u kradziažy i złoŭžyvańni słužbovym stanoviščam.
Pra heta siońnia na presavaj kanferencyi paviedamiŭ Hieneralny prakuror Biełarusi Piotar Mikłaševič. A.Baroŭski znachodzicca ŭ śledčym izalatary. U jaho kanfiskavana šmat hrošaj i materyjalnyja kaštoŭnaści.
U intaresach śledztva KDB nie paviedamlaje, kiraŭniki jakich struktur zatrymanyja razam z kiraŭnikom «Biełnaftachimu» Alaksandram Baroŭskim 29 maja. Pra heta BiełaPAN zajaviŭ načalnik Centru infarmacyi i hramadzkich suviaziej KDB Valer Nadtačajeŭ.
Ab zatrymańni A.Baroŭskaha i šerahu inšych hramadzianaŭ pa padazreńni ŭ ździajśnieńni karupcyjnych złačynstvaŭ — słužbovych złačynstvaŭ i złoŭžyvańnia słužbovymi paŭnamoctvami — paviedamiŭ na sustrečy z žurnalistami 30 maja hieneralny prakuror Piotra Mikłaševič.
Jak stała viadoma BiełaPAN ź nieaficyjnych krynicaŭ, pieratrus u kiraŭnika «Biełnaftachimu» pravodziŭsia ŭviečary ŭ aŭtorak. Zatrymanyja, pavodle słovaŭ P.Mikłaševiča, źmieščany ŭ śledčy izalatar KDB. U chodzie pieršapačatkovych śledčych dziejańniaŭ u ich kanfiskavanyja bujnyja sumy hrošaj, kaštoŭnaści, dakumenty. Ciapier pa spravie praciahvajucca nieadkładnyja śledčyja dziejańni, skazaŭ P.Mikłaševič.
U suviazi z hetaj spravaj hienprakuror zaznačyŭ, što jana jość vynikam «aktyŭnych sumiesnych dziejańniaŭ pravaachoŭnych orhanaŭ: MUS, KDB i prakuratury».
Jak piša BiełaPAN, abvinavačańnie zatrymanym pavinna być pradjaŭlena na praciahu 10 dzion. U asobnych vypadkach hety termin moža być i padoŭžany.
A.Baroŭski ŭznačaliŭ «Biełnaftachim» u śniežni 2005 hodu. Na hetuju pasadu jon pryjšoŭ z dyrektarstva ŭ navapołackim «Palimiry», a da taho pracavaŭ u Babrujsku na «Biełšynie».
«Biełaruski partyzan» paviedamlaje, što razam z Baroŭskim zatrymanyja niekatoryja jahonyja namieśniki. «Biełaruski partyzan» nazyvaje Baroŭskaha čałaviekam Kanaplova i rasceńvaje zatrymańnie vialikim udaram pa biznes‑hrupie Kanaplova, jaki doŭhi čas byŭ najbližšym siabrom A.Łukašenki i viernym palityčnym paplečnikam.