Vučniaŭ nia treba zaachvočvać, kab padymali ruku, kali chočuć adkazać na ŭroku, bo heta moža škodzić niaśmiełym dzieciam — rekamendavała ŭ piatnicu brytanskaje adukacyjnaje viedamstva.
Praviedzienyja daśledavańni vyjavili, što niekatoryja dzieci ŭva ŭzroście 7‑11 hod pačynajuć u škole adstavać ad adnahodkaŭ, bo paźbiahajuć źviartać na siabie ŭvahu na ŭrokach, ličać za lepšaje zastavacca «nieprykmietnymi» i majuć nizkuju asertyŭnaść.
Adukacyjnaje viedamstva ličyć, što nieabchodny inšy padychod da takich dziaciej, kab dapamahčy im prasoŭvacca ŭ navučańni. Nastaŭnikam byli prapanavanyja roznyja stratehii — samim vybirać vučniaŭ dla adkazu, davać vučniam 30 sekundaŭ času padumać, pierš čym adkazać, zaachvočvać vučniaŭ u parach abmiarkoŭvać adkaz na pytańnie nastaŭnika i h.d.
