Raman Džordža Orueła «1984» najlepš z usich knih pieradaje sutnaść XX stahodździa, ličyć brytanskaja hazeta «The Guardian». Adpaviednaje daśledavańnie było arhanizavanaje z nahody letniaha mastackaha festyvalu va Ŭelsie.
Eksperty mieli na vybar 50 knižak. U pieršaj dziasiatcy apynulisia taksama «Serca ciemry» Džozefa Konrada, «Hronki hnievu» Džona Stejnbeka, «Nad prorvaju ŭ žycie» Džeroma Selindžera, «Vialiki Hetśbi» Frensisa Ficdžeralda, «Dziŭny novy śviet» Ołdasa Chakśli.
Prafesar anhlistyki Džon Małen ź Londanu ŭ hutarcy z BBC paličyŭ vybar čytačoŭ słušnym, a knihu Orueła nazvaŭ «dyjahramaj sučasnaj tyranii».
— Heta vydatnaja knižka, adnak čytać jaje — nijakaha zadavalnieńnia, — skazaŭ Małen.
Antyŭtopiju «1984» Orueł napisaŭ u 1949 h., niezadoŭha da śmierci. Aŭtar praanalizavaŭ pryncypy funkcyjanavańnia kamunistyčnaj systemy, vyjaŭlajučy pieradusim mechanizmy razbeščvańnia myśleńnia i movy. Šmat prydumanych Oruełam vyrazaŭ — takich, jak «Vialiki Brat», «navamova», «padvojnaje myśleńnie» — uvajšli ŭ hutarkovuju movu.
