«Mańjaka sa šprycam» złapali
U noč z 27 na 28 kastryčnika ŭ dziciačym lahiery ŭ Vałožynskim rajonie milicyjant, jaki achoŭvaŭ terytoryju, zaŭvažyŭ mužčynu, jaki prykmietami supadaŭ z rasšukvanym užo amal paŭhady mańjakom, što kałoŭ dziaciej šprycam ź nieviadomaj vadkaściu. Achoŭnik paprasiŭ pakazać dakumenty, ale toj dziŭny čałaviek, padyšoŭšy, daŭ milicyjantu ŭ mordu i pasprabavaŭ źbiehčy. Milicyjant nie razhubiŭsia i trapna streliŭ naŭzdahon, padbiŭšy złamyśnika ŭ nahu, a tady dahnaŭ i zatrymaŭ. U paranienaha znajšli i špryc. Ciapier viaduć śledztva, i tamu imia jahonaje nie raskryvajuć.
Nahadajem, što ŭsiaho było 8 vypadkaŭ, kali nieviadomy mańjak prabiraŭsia na terytoryju dziciačych lahieraŭ na Mienščynie i Słuččynie i rabiŭ niemavied što. Dziakuj Bohu, nivodnaja z pakołatych dziaŭčataŭ surjozna nie zasłabła. Apošni raz takoje było ŭ domie adpačynku «Słuč» u pasiołku Kirava ŭ Słuckim rajonie. Zaraz užo raźbiarucca, što, jak i našto.
Alaksiej Šydłoŭski
