BIBLIJATEKA
Dziciačaja Kniha dla darosłych
B. Hubin, A. Makarevič. Dzie jano, mora Hieradota? — Miensk,1999. — 46 s.: ił.9. — Nakład 3000 as. ISBN 985-05-0195-2
Kali ŭ ruki traplaje novaja kniha z paznakaj «Dla ... školnaha vieku», mižvoli pryhadvaješ, što ty sam čytaŭ u takija hady. Cikava panazirać, jak źmianiajucca dziciačyja čytackija zacikaŭleńni, jak pastupova vypadajuć z kantekstu, robiacca dziŭnymi i małazrazumiełymi knihi, bieź jakich tvajo dziacinstva prosta niemahčyma ŭjavić. Ciapier bolšaść dzietak nia viedaje, chto taki Lenin. I patłumačyć im takuju, zdavałasia b, prostuju reč, nie abrynuŭšy na niamocnyja dziciačyja hałovy haru betonna-armaturnych pareštkaŭ nieisnujučaje realnaści, całkam niemahčyma. Nu, byŭ taki... Chto? Naŭrad ci zrazumiejuć ciabie narodžanyja ŭžo paśla taho, jak usie leniny, budzionnyja dy inšyja dziaržynskija — na prykładzie jakich navat z tvajho pakaleńnia sprabavali vychavać hieneracyju čyrvonych terminataraŭ — nazaŭždy źnikli z kniharniaŭ. Źnikli adrazu pa razvale dziaržavy, stvoranaj kaliści Žaleznym Feliksam i jahonymi nia mienš žaleznymi tavaryšami. Źnikli, vyzvaliŭšy, jak kažuć tavaraviedy, «płoščadź» pad vostrasiužetna-miakkapapiernyja vydańni. Źnikli, tak i nie transfarmavaŭšysia ŭ vitaŭtaŭ, astroskich, radziviłaŭ...
Adnak, lubyja narakańni na małuju kolkaść i žachlivuju jakaść siońniašniaje biełaruskaje dziciačaje litaratury buduć nahadvać svarku z cyrulnikam ź viadomaje habrejskaje pokazki. Moža, tamu kožnaje, zbolšaha niadrennaje, vydańnie dla dziaciej spačatku ŭvažliva vyvučajuć darosłyja dziadźki i ciotki, ažno mlejučy ad pradčuvańnia, jak dzietkam budzie cikava jaje čytać. Voś, naprykład, knižka «Dzie jano, mora Hieradota?», składzienaja V.Hubinym dy A.Makarevičam (nie, nie tymi Hubinym i Makarevičam, pra jakich my — atočanyja z usich bakoŭ šapikami, FM-stancyjami, susiedzkimi mahnitafonami, kancertovymi zalami, adkul ciače-lijecca na nas rasiejskaja papsa — adrazu padumali). Adnak, kali b tyja muzyki i nadumalisia supracoŭničać, plonu sumiesnaje tvorčaści było b daloka da tych vyšyniaŭ stylovaje aryhinalnaści, jakich dasiahnuli ich biełaruskija ciozki: «Naš abaviazak — zachavać dziela budučych pakaleńniaŭ unikalnyja i niepaŭtornyja kutki pryrody, bieražliva asvojvać novyja terytoryi, nie parušać pry hetym ekalahičnaj raŭnavahi i estetyčnaj cennaści landšaftaŭ, naturalnaje abličča jakich składałasia na praciahu cełych hiealahičnych epoch».
Pačytajcie heta svajmu dzicionku («małodšaha školnaha vieku», pažadana) na noč — jon u vas abaviazkova spytajecca: «Tata, a z kim ty ciapier razmaŭlaŭ?» — u lepšym vypadku. A moža i ŭvohule nie zasnuć, nasłuchaŭšysia pra «hidratechničnaje budaŭnictva», «peryferyi cykłonu», «ekalahičny manitorynh», «bijalakacyjnyja pali» dy inšyja «systemy aktyŭnych razłomaŭ», što adzin na adnym siadziać u kožnym artykule (a kniha składajecca z paasobnych tematyčnych artykułaŭ).
Viadoma, nielha abmiažoŭvać dziciačuju litaraturu idyjockim siusiukańniem, adnak takija knihi — składzienyja z hruvastkich infarmacyjna-terminalahičnych blokaŭ, pierahružanyja datami i ličbami — prosta źniščajuć u dziaciej žadańnie čytać. Było b nia tak prykra, kali b kniha ničoha nie ŭjaŭlała ź siabie ŭ infarmatyŭnym planie — ale ž tam stolki prosta-tki ŭnikalnych pryrodaznaŭčych, histaryčnych, navat litaraturnych źviestak, jakija tre było tolki patrebnym čynam apracavać, pieraaryjentavać ich na dziciačaje ŭsprymańnie.
Naprykład, adkul jašče my daviedalisia b, što sorak miljonaŭ hadoŭ tamu na Łahojščynu zvaliŭsia metearyt? (Takim čynam, Armahiedon, pra nieabchodnaść jakoha praz usiu minułuju zimu kazaŭ miascovy kinaprakat, užo, ułasna, adbyŭsia). Abo što na terytoryi siońniašniaha mienskaha parku imia Horkaha znachodziłasia ŭ minułym stahodździ samaja hłybokaja ŭ Rasiejskaj imperyi artezijanskaja śvidravina?..
Karaciej kažučy, darosłyja dziadźki i ciotki, kali chočacie, kab dzietki vašyja viedali bolš, čym vy ŭ ichnym vieku, biažycie jak najchutčej u bližejšuju kniharniu, kuplajcie tam knižku V.Hubina dy A.Makareviča «Dzie jano, mora Hieradota?» i čytajcie jaje. A paśla dzietkam pierakazvajcie.
Andrej Skurko
biełaruski hit-parad
Biełaruskaja bardaŭskaja muzyka
1. Dančyk Kaladnyja pieśni BMA
2. Andrej Mielnikaŭ Heta MY! ZBS
3. Siaržuk Sokałaŭ-Vojuš Pieśni kasinieraŭ Kovčieh
4. Alen Bałachoŭskija pieśni BMA
5. Volha Ciareščanka Vybranyja pieśni Lit.-Mast.supołka
6. Viktar Šałkievič Pravincyja BMA
7. Źmicier Bartosik Da pabačeńnia... Lit.-Mast.supołka
8. Siaržuk Minskievič Žachi Lit.-Mast.supołka
9. Uładzimier Klimovič Dzieci viatroŭ Ton-rekardz
10. Jaŭhien Savieljeŭ Luboŭ BMA
Radyjovaryjant biełaruskaha hit-paradu možna pačuć kožny apošni čaćvier miesiaca z 10.00 i kožnuju niadzielu z 13.30 na chvalach «Radyjo-2» (Fm 70.4 Am 1197 kHz)
Štomiesiac da 20-ha dasyłajcie svaje varyjanty hit-paradu na adras: 220085, Miensk, a/s 5, i Vy voźmiecie ŭdzieł u konkursie, pieramožcy jakoha atrymajuć pryzy.
Nabyć biełaruskuju aŭdyjo-, videa- i knižnuju pradukcyju možna:
u Miensku ŭ kijosku «Karona» (kala kramy «Muzyka»); na Varvašeni 8 na siadzibie BNF, u Maładečnie ŭ kijosku TBM (na čyhunačnym vakzale); t. 53 769 Aleś; u Homieli ŭ kramie Audio-box (Pieršamajskaja 23), univermahu «Homiel»; u Viciebsku ŭ kijoskach firmy «Sajuz»; u Śvietłahorsku ŭ kijosku 93 (r-n restaranu «Praleska»); teł. (02342) 27 815 Siaržuk; u Voršy ŭ kramie «Piłot» (Lenina 16, teł. 44 893); u Mahilovie teł. (0222) 25 57 85, u Horadni štopaniadziełak i sieradu pa adrasie: K.Marksa 11, t.(0152) 72 11 83; u Słonimie ŭ kramie «Rumb» (Čyrvonaarmiejskaja, 18, internat MPMK-164), pa teł.: 31-493, Aleś; u Baranavičach teł. (0163) 41 24 30, 41 10 46 (Aleś, Vaładziej); u Marjinaj Horcy (213) 45 962; u Bieraści pa teł.(0162) 20 20 87, 26 48 31, 22 78 11; u Biełastoku (Polšča) (85) 661 64 00 (Viačasłaŭ) — i praz systemu «Kasety-poštaj» (a/s 5, Miensk, 220085, teł. (017) 249 08 88 Vital, E-mail: [email protected]).
Novyja knihi, dasłanyja ŭ redakcyju
Ja.Bryl. Zapavietnaje. Vybranyja tvory. — Miensk: Biellitfond, 1999. — 442 s. — Nakład 4000 as. ISVN 985-6576-04-0
Prezentacyjnaja knižka «Biełaruskaha knihazboru». Pryznačanaja dla kalekcyjantaŭ, dla tych, chto nia maje Bryloŭskaha šmattomnika, i chto praz školnuju «nie-navuku» nie čytaŭ dziadźku Janku. Ja knižku kupiŭ.
P.Kreń. Byvaj, Jaršoŭka: Uspaminy, vieršy/Pradmova Vasila Bykava. — Miensk: Biełaruski Knihazbor, 1999. — 224 s. — Nakład 500 as. ISVN 985-6318-59-9
Adna z tych knižak, što pradstaŭlajuć biełaruskuju sytuacyju XX st. Uspaminy i fakty, składzienyja ŭ adno cełaje. Biełarus, carski, zatym bieły aficer, viarnuŭsia pa hramadzianskaj vajnie na radzimu, u Zachodniuju Biełaruś, braŭ aktyŭny ŭdzieł u nacyjanalnym žyćci, hramadoviec, pad akupacyjaj — kulturnicki «kalabarant», pa vajnie siadzieŭ, pamior ad HUŁAHaŭskich chvarobaŭ.
Mikoła Vinhranoŭski. Ukrainski prelud: Vieršy. — Miensk: Biełaruski Knihazbor, 1999. — 142 s. — Nakład 800 as. ISBN 985-6318-44-0
Klasyka ŭkrainskaj šaścidziasiatnickaj paezii.
U.Vysocki. Ja nie padmanu: Vieršy. Pierakład Michasia Bułavackaha. — Miensk: Biełaruski Knihazbor, 1999. — 128 s. — Nakład 1000 as. ISNB 985-6318-60-2
“Zbornik źmiaščaje aryhinały i pierakłady 28 tvoraŭ Uładzimiera Vysockaha. “…Pamarudźcie, koni šparkija, ahnistyja!/ Chaj bizun budzie marna trymcieć!/ Ale ž voś trapili mnie koni naravistyja — / I dažyć nie paśpieŭ, i dapieć nie paśpieć”. Jak kamu, a mnie cikava čytać takoha kštałtu praktykavańni. Prynamsi, udaskanalvaješ ułasnuju movu.
V.Hardziej. Miežań: Vieršy. — Miensk: Biełaruski Knihazbor, 1999. — 72 s. Nakład 500 as. ISVN 985-6318-48-3
U zborniku mocna adčuvajecca «sum impresij nieŭtajmoŭnych, horyč simvałaŭ ślapych». Na amatara.
V.Kuncevič. Horkaja spakusa: Vieršy. — Miensk: Biełaruski Knihazbor, 1999. — 176 s. — Nakład 500 as. ISVN 985-6318-51-3
“Chaj by dobryja namiery/ Boh pakłaŭ tabie za dźviery…/ Kab paznałasia z samotaj/ Što badziałasia za płotam”. Zbornik daje biaźmiežnyja mahčymaści dla krytykaŭ-pačatkoŭcaŭ. Taksama moža być dobrym matarjałam dla niazłosnych mastakoŭ-karykaturystaŭ.
H.Sutuła. Śled na viečnym haścincy: Impresii, vieršy. — Miensk: Biełaruski Knihazbor, 1999. — 78 s. — Nakład 500 as. ISVN 985-6318-50-5
“Ja chlebu i polu/ Ščyraje dziakuj/ Skažu, pakłaniusia nizka/ Kvitniej Biełaruś, Žyvi Biełaruś!/ Doli i ščaścia kałyska”. Nu, što adkazać? – Žyvie! Nia viedaju, jak dla amataraŭ paezii, ale dla “amataraŭ rodnaha słova” zbornik vielmi prydatny.
Kviat.
knižki — poštaj
ZAT «Sotvar»
1. Vietkaŭski muzej narodnaj tvorčaści — 860 t.
2. Ł.Vasiukovič, M.Jalenski. Metodyka vykładańnia biełaruskaj movy ŭ siaredniaj škole — 285 t.
3. A.Vinicki. Matarjały da historyi biełaruskaj emihracyi ŭ Niamieččynie —
45 t.
4. V.Adamčyk. Raźvitalnaja apovieść — 240 t.
5. V.Cieleš. Harady Biełarusi na starych paštoŭkach — 1100 t.
6. Dapamožnik dla žurnalistaŭ Centralnaj i Ŭschodniaj Eŭropy — 44 t.
7. A.Deni. Historyja ekanamičnaj dumki — 107 t.
8. Z.Dudziuk. Pałońniki žyćcia — 100 t.
9. Biełaruski narodny sońnik — 65 t.
10. H.Białoŭski. Techničnyja srodki navučańnia i metodyka ich prymianieńnia — 130 t.
11. V.Rahula. Uspaminy — 39 t.
12. U.Kaśko. Śviatło dalokaj zorki — 325 t.
13. U.Nieŭdach. Biełaruskaja arhannaja kultura ŭ kantekście eŭrapiejskaha muzyčna-histaryčnaha pracesu — 1090 t.
14. Je.Mieračycki. Śvietłym cieniem Adama Mickieviča — 39 t.
15. Litaraturnaja Haradzienščyna — 50 t.
16. Novy Zapaviet. Psałtyr — 455 t.
17. A.Puškin. Vybranyja tvory — 935 t.
18. I.Savierčanka. Knižna-piśmovaja kultura Biełarusi — 650 t.
19. T.Proćka. Pakutnik za vieru i Baćkaŭščynu — 39 t.
20. U.Lipski. Praŭdzivy apovied pra tvoj i moj radavod — 105 t.
21. Šaścimoŭny słoŭnik — 195 t.
22. M.Čarniaŭski. Pravadyr kryłatych vieršnikaŭ — 195 t.
23. Janka Zaprudnik. Biełaruś na histaryčnych skryžavańniach — 325 t.
24. Janka Kupała. Poŭny zbor tvoraŭ. T. 5: Vieršy, pierakłady 1930-1942 — 180 t.
25. Ja.Najdziuk, I.Kasiak. Biełaruś učora i siańnia. Papularny narys z historyi Biełarusi — 220 t.
26. M.Jermałovič. Staražytnaja Biełaruś. Vilenski peryjad — 200 t.
27. S.Stankievič. Rusifikacyja biełaruskaj movy ŭ BSSR — 100 t.
28. Ja.Stankievič. Maleńki maskoŭska-biełaruski słoŭničak — 100 t.
29. Bordovič A., Hiruckij A., Čiernyšova Ł. Sopostavitielnyj kurs russkoho i biełorusskoho jazykov — 615 t.
30. Franc Kušal. Sproby stvareńnia biełaruskaha vojska — 715 t.
31. Biełaruski histaryčny ahlad. Tom 5. Sšytak 2(9) — 650 t.
32. Biełaruski histaryčny ahlad. Tom 5. Sšytak 1(8) — 650 t.
33. Biełaruski histaryčny ahlad. Tom 4. Sšytak 1-2 (6-7) — 585 t.
34. Biełaruski histaryčny ahlad. Tom 2. Sšytak 2 — 585 tys.
35. Biełaruski histaryčny ahlad. Tom 3. Sšytak 1 — 585 tys.
36. P.Brunel, K.Pišua, A.-M.Ruso. Što takoje paraŭnalnaje
litaraturaznaŭstva? — 65 t.
37. Frahmenty filazofii, kulturalohii, litaratury. (Viasna-98) — 390 t.
38. I.Babkoŭ. Hieroj vajny za prazrystaść — 91 t.
39. V.Akudovič. Mianie niama — 91 t.
40. Ju.Barysievič. Cieła i tekst — 91 t.
41. Kastuś Kalinoŭski (“Biełaruski knihazbor”) — 806 t.
42. Jan Barščeŭski (“Biełaruski knihazbor”) — 806 t.
43. Časopis ARCHE, numary «Postmadernizm», «Vialikaja ajčynnaja vajna», «Kabiety», «Patalohii hramadztva» — 690 t.
44. Ł.Hienijuš. Vieršy — 455 t.
45. Ž.-B.Dziurasel. Eŭropa z 1815 hodu da našych dzion — 260 t.
46. A.Kaŭka. Budam žyć! — 260 t.
47. Pazacenzurny peryjadyčny druk Biełarusi (Kataloh) — 325 t.
48. Mery Ściuart. Ludvih i zorny koń: Kazki dla dziaciej. (Pier. z anhielskaj) — 130 t.
49. A.Łukašuk. Filistovič: Viartańnie nacyjanalista — 130 t.
50. S.Dubaviec. Russkaja kniha — 195 t.
51. Ł.Jurevič. Kamentary — 390 t.
52. V.Suprun. Žyć dla Biełarusi — 390 t.
53. B.M.Fejhan. Uvodziny ŭ archiealohiju — 65 t.
54. Demakratyčnaja apazycyja Biełarusi — 572 t.
«Naša Niva» ŭ svajoj seryi «Biblijateka «Vostraja Brama» vydała ŭ Vilni adzinaccatuju knihu Adama Hlobusa — zbornik afaryzmaŭ, kamentaroŭ da cytataŭ, hrehieryjaŭ i maksymaŭ «Kantaminacyi».
Pra nabyćcio možna daviedacca praz telefon u Miensku 227-78-92
