ekanamičny kamentar
Bolš narmalnaści
Na tydni liberalizavali, dakładniej, lehalizavali abmienny kurs dalaru. Hetym razam urad nibyta maje surjoznyja namiery: naprykład, 25 listapada pavialičyli staŭku refinansavańnia na 20%, a 14 śniežnia — znoŭ na 20, da 120%, kab zrabić bolš vyhodnym układańnie hrošaj u rubloch — budzie vyhadniej nie dalary kuplać, a trymać hrošy ŭ rublach.
Dobra, što Nacyjanalny bank ciapier nia tolki źniaŭ abmiežavańni na handal valutaj dla pradpryjemstvaŭ, ale j admoviŭsia ad praktyki vydačy dazvołaŭ na takija intaresy.
Adnak zachady pa ŭparadkavańni pałavinistyja i niekaniečnyja. Zachoŭvajecca pazabiržavy rynak, dzie kurs składaje 920 tysiačaŭ za dalar, a taksama aficyjny bankaŭski kurs, pavodle jakoha zabirajuć častku valutnaha dachodu ŭ pradpryjemstvaŭ pa nizkim kursie…
Niavyrašanyja i inšyja pytańni hrašovych dačynieńniaŭ. Pracentovaja staŭka ŭsio šče nižejšaja za ŭzrovień inflacyi.
Dyk nia bačna j čerhaŭ, kab pradać dalary…Čamu tak?
Bo ludzi čakajuć dalejšaha padzieńnia rubla. Ministar ekanomiki Šymaŭ zajaviŭ, što pad siaredzinu 2000 hodu valutny kurs rubla budzie pad 1,5 miljona za dalar, a naprykancy hetaha hodu čakajecca devalvacyja rubla da ŭzroŭniu 1 młn. rub. za dalar, ci to 1000 abbieznulonych.
Ale staršynia Nacbanku Piatro Prakapovič paviedamiŭ, što pačaŭsia tolki pieršy etap unarmalvańnia finansavaj systemy. Liberalizacyju kursu Nacbank vyrašyŭ pravieści pad Kalady tamu, što pierad śviatami ludzi traciać značna bolš. Chitry, budaŭnik.
Naturalna, toje, što zrabili, dobra zrabili — ciapier u ludziej mienš padstavaŭ zakony parušać, a ekanomika nabližajecca da isnavańnia ŭ realnym, a nie savieckim śviecie. Prakapovič upeŭnieny, što pad viesnu Nacbank likviduje mnostva kursaŭ i ŭstaluje adziny sapraŭdny kurs.
Surjozna sapsavać hetyja namiery moža kredytavańnie budaŭnictvaŭ i vioski, ale ŭ Nacbanku kažuć, što ciapier hrošaj pad hetyja prajekty ŭ dziaržavy jość... Mo j sapraŭdy budaŭnik Prakapovič prydušyć krucialoŭ, jakija nažyvalisia na roźnicy kursaŭ?
Barys Tumar
