sport
Mojry vybrali Valiju
Na minułym tydni vyrašyŭsia raskład hulniaŭ u 5-j hrupie adboru da futbolnaha čempijanatu śvietu 2002 hodu. Pradstaŭniki Narvehii, Uelsu, Armienii, Polščy, Ukrainy dy Biełarusi zabili strełku ŭ varšaŭskim hateli «Jan III Sabieski». U vyniku doŭhich debataŭ varšaŭskich mojraŭ vyśvietliłasia, što biełaruskaja futbolnaja družyna raspačnie svoj ciarnisty šlach na čempijanat śvietu 2 vieraśnia matčam u Miensku suprać dobra znajomaj nam «kamandy Drakona» – zbornaj Uelsu. Pieradhistoryja hetaj sustrečy da bolu viadomaja ŭsim ajčynnym amataram futbołu (kryŭdnyja parazy ad valijcaŭ 2:3 dy 1:2 u minułym adboračnym turniry). Paśla biełarusy zavitajuć u hości ŭ «kresy zachodnija», kab pakazać miascovym abaryhienam, jak treba hulać u «piłku nožnu». Kali chočam mieć kvitok na čempijanat śvietu ŭ Japoniju dy Kareju, treba vyjhravać. Kab vyjhravać, treba padtrymlivać svaich.
Bohuś Bijatlanionak
