Z rabskaha snu
Dzień Voli śviatkavali va ŭsich haradach Biełarusi
U Voranavie pieršymi — a 8-j ranicy — praviali pikiet. Upieršyniu. Byŭ ažno 6-metrovy transparant «Žyvie volnaja Biełaruś». U Mastach sabralisia mitynhavać 200 čałaviek. U Ščučynie ŭ pikiecie stajali 9 čałaviek i šmat chadziła navokał. U Śvisłačy kala adzinaha ŭ krainie biuścika K.Kalinoŭskaha sabralisia na mitynh kala 50 asobaŭ. Načalstva mitynh dazvoliła, ale adnačasova abviaściła subotnik u harparku.
Mitynh adbyŭsia ŭ Lidzie — ładzili jaho viačorkaŭcy i paźniakoŭcy supolna. U Dziatłavie źjavilisia nadpisy na ścienach i ŭlotki. U Bierastavicy — taksama nadpisy i bieł-čyrvona-bieły ściah nad niačynnym kaściołam. U Smarhoni prajšło nievialikaje šeście.
U Navapołacku napiaredadni śviata źjavilisia ŭlotki ŭ horadzie i bieł-čyrvona-bieły ściah na ŭniversytecie. La haradzkoha Domu kultury adbyŭsia pikiet-mitynh z udziełam bolš jak sotni čałaviek.
U Viciebsku jašče da pačatku šeścia byli zatrymanyja 6 čałaviek. Siarod ich — deputat Ščukin, były palitviazień Uł.Pleščanka, sp.Karpaŭ, Pimienaŭ, Sałaŭjan. Proźvišča šostaha aryštavanaha pakul nieviadomaje.
Na Mahiloŭščynie mitynhavali, demanstravali, viešali na truby ściahi i siadzieli ŭ pastarunkach. U Mahilovie adbylisia šeście i nievialički mitynh, u jakich udzielničali 150 mahiloŭcaŭ.
U Babrujsku nie abyšłosia biez zatrymańniaŭ. Tam aktyvisty BNF i «Hramadzianskaha Forumu» ŭ centry razdavali śviatočnyja buklety pra historyju BNR. Milicyja paličyła heta mitynham i aryštavała 8 čałaviek. U pastarunku na ich skłali pratakoły, nakštałt: «učastvovał v orhanizacii proviedienija niesankcionirovannoho sobranija na pł.Pobiedy s 14.00 do 15.00, razdavaja učastnikam sobranija i prochožim hraždanam hazietu «Rabočy Babrujska» i druhije izdanija, brošiury, nie imiejuŝije riekvizitov o riehistracii, publično obsuždaja voprosy obŝiestvienno-političieskoj žiźni, imieł simvoliku bieło-krasno-biełoho fłaha».
U Horkach tutejšy Miron paviesiŭ na vysačeznuju trubu kacielni biełaruski ściah, a ŭvieś horad byŭ abklejeny adpaviednymi ŭlotkami. U Škłovie Mironaŭ pakul niama, dyk niechta inšy namalavaŭ bieł-čyrvona-bieły ściah na budynku rajvykankamu i napisaŭ «Žyvie Biełaruś!». U Kryčavie adbyŭsia dazvoleny ŭładami pikiet.
U Homieli z ranicy na krai horadu adbyŭsia pikiet. U Salihorsku na stadyjonie «Šachcior» na śviata sabralisia 50 čałaviek. U Baranavičach na mitynh pryjšli pad 200 čałaviek, dobra paśviatkavali, ale paśla U.Hoŭšu zatrymali za toje, što jon nios bieł-čyrvona-bieły ściah. U Bieraści na stadyjonie «Budaŭnik» sabralisia kala 150 čałaviek. Milicyjanty-varta nijak nie reahavali na pravakacyi erenješnikaŭ, što tutsama zadziralisia.
Andrej Alaksandraŭ,
Siarhiej Astraŭcoŭ, V.Barščeŭski, Symon Hłazštejn, Taciana Śnitko
