Haveł dumaje pra Biełaruś
Prezydent Čechii Vacłaŭ Haveł prysłaŭ vitańnie Ŭsiebiełaruskamu źjezdu za niezaležnaść nastupnaha źmiestu:
«Šanoŭnyja ŭdzielniki źjezdu, darahija siabry!
Rady vitać vaš schod, što maje poviaź z histaryčnym pieršym Usiebiełaruskim źjezdam, jaki adbyŭsia naprykancy 1917 hodu dy byŭ vyznačalnym krokam da ŭźniknieńnia sučasnaj biełaruskaj dziaržaŭnaści.
Upeŭnieny ŭ tym, što ŭ novym suśvietnym paradku, u jaki my patrapili za minułyja dziesiać hadoŭ i jaki prynies šmat źmienaŭ u naša žyćcio, razam mohuć u zhodzie j roŭnaści supracoŭničać tolki takija ŭdzielniki, jakija sami ŭśviadomili svajo ŭłasnaje vyznačeńnie. Vieru, što napamin i spadčyna biełaruskaj dziaržaŭnaści dy niezaležnaści jość nieabchodnaj pieradumovaj umacavańnia nacyjanalnaha samavyznačeńnia biełaruskaj dziaržavy.
U svaich razmovach ź ludźmi, jakija pachodziać z vašaha kraju ci zajmajucca jaho vyvučeńniem, ja šmatkroć adčuŭ, što ŭ Biełarusi žyvaja pamiać pra toje, jakim čynam paŭ kamunizm na našych ziemlach. Uvažaju za častku adkaznaści kožnaha hramadzianina Českaj Respubliki, kožnaha eŭrapiejca dy ŭsich, chto vyznaje dy baronić takija kaštoŭnaści jak demakratyja, zachavańnie pravoŭ čałavieka dy svabody asoby, kab cikavilisia stanoviščam, u jakim znachodziacca Biełaruś i jaje hramadzianie, kab pavodle svaich mahčymaściaŭ słovam i spravaj dapamahali prasoŭvańniu demakratyi ŭ Biełarusi.
Žadaju vašamu schodu spakojnaj chady j šmat pośpiechaŭ».
