Sabranyja na zakład Dzianisu Dzianisavu hrošy dazvolili aktyvistu vyjści na volu jašče 11 krasavika. Kryminalnuju spravu spynili, adnak hrošy ŭsio jašče znachodziacca ŭ rasparadžeńni śledčych orhanaŭ. Jak tolki ich addaduć, arhanizatar zboru Žana Jamajkina źbirajecca viarnuć usie srodki tym, chto ich pieraličvaŭ.
Nahadajem, hramadskaha aktyvista Dzianisa Dzianisava aryštavali 16 lutaha i abvinavacili ŭ arhanizacyi masavych biesparadkaŭ. Za heta jamu pahražała 3 hady źniavoleńnia. U kancy sakavika ŭ Internecie raspačałasia akcyja pa zbory hrošaj na zakład. 11 krasavika Dzianisava vypuścili. A 29‑ha traŭnia kryminalnuju spravu spynili.
U achviaravańni ŭdzielničali kala sta čałaviek. Naźbiranaja suma składaje 15 z pałovaj miljonaŭ rubloŭ. Jak da rašeńnia viarnuć hetyja hrošy stavicca sam Dzianis, raskazała «Jeŭrapiejskamu radyjo» Žana Jamajkina:
«Viadoma, jon zhodny. Jak jon mnie ŭ pryvatnych razmovach kazaŭ, jon vielmi ŭsim udziačny i, pa mahčymaści, choča kožnamu padziakavać. Nu, a kali štości zastaniecca, my ŭsio roŭna budziem źviazvacca z tymi, chto zdavaŭ i chto nie choča zabirać. I tady ŭžo ŭ ich budziem pytacca, što jany chočuć, kab z hetymi hrašyma zrabili».
Mahčyma, hetyja hrošy mahli b pajści na vypłatu štrafaŭ hramadskim aktyvistam. Tolki za travień apazicyjaj było vypłačana amal 5 tysiač dołaraŭ. U kožnym razie, kudy hrošy ni pojduć: na apłatu štrafaŭ, vyzvaleńnie palitviaźniaŭ, ci viernucca nazad da svaich uładalnikaŭ, — pasłužać jany karysnaj spravie. Hałoŭnaje, kab hrošy viarnuli.
Eŭraradyjo via Pravaabarončy centr «Viasna»
