Nahadajem, žychary mikrarajona Uschod‑2 vystupili suprać budaŭnictva chutkasnaj šmatpałosnaj aŭtadarohi praź Sievastopalski park. Zhodna z płanam uładaŭ horada, šaścipałosnaja mahistral pavinna była prajści ad pierasiačeńnia vulic Filimonava i Kiadyški praź Sievastopalski park pa vulicy Olešava da Daŭhinaŭskaha traktu abo pa vulicy Kalinoŭskaha.
Adna z žycharak mikrarajona Valancina Šalejnikava zajaviła, što ŭłady horada prymušajuć žycharoŭ z 1996 hoda pastajanna vieści baraćbu za zachavanaść Sievastopalskaha parku. Zhodna z hienpłanam, park adnosicca da łandšaftna‑rekreacyjnaj zony i vodaachoŭnaj zony Ślapianskaj vodnaj sistemy, dzie raźmiaščajucca vosiem śvidravin vodazabora «Zielanoŭka». Žychary rajona ŭžo adstajali svaje intaresy, i prakuratura Biełarusi admianiła rašeńnie ab budaŭnictvie elitnych damoŭ u parku. U Sievastopalskim parku raźmieščany Respublikanski reabilitacyjny centr dla dziaciej‑invalidaŭ i škoła‑internat dla dziaciej sa słabym słycham. Daroha, što płanavałasia, prajšła b u niepasrednaj blizkaści ad hetych ustanoŭ i pahoršyła ekałahičnaje stanovišča.
«My jašče raz pierahledzieli transpartnuju schiemu i pryniali rašeńnie budavać darohu ad Łahojskaha traktu da Navinak. My zrazumieli, što da 2020 hoda vostraj nieabchodnaści ŭ budaŭnictvie hetaha ŭčastka treciaha transpartnaha kalca niama», — zaznačyŭ V.Nikicin.